– Vi fekk melding om røyk frå eit bustadhus på Fonnes klokka 13.41. No er vi på staden, opplyser vaktkommandør Rune Hovlandsdal ved 110-sentralen i Hordaland til NRK.
Han fortel at dei vil gå inn i huset for å undersøkje kor røyken kjem frå. Ein person som bur i huset er evakuert. Hovlandsdal seier det er ingen grunn til å tru at det er fleire personar inne i huset.
– Sløkt
Klokka 14.20 melder brannvesenet på staden at dei har sløkt brannen.
– Det er litt uklart kor røyken har stamma ifrå, men det er truleg ein elektrisk årsak, seier Hovlandsdal. Ingen fleire personar var inne i huset, og brannvesenet har byrja med utlufting.