- Asylborn kan få livet øydelagd

• LES OGSÅ: - Ikkje behandla godt nok
• LES OGSÅ: - Norge må behandle asylborn betre

- Norsk asylpolitikk er for streng og bør mjukast opp, spesielt i forhold til borna,

seier biskop Halvor Nordhaug i Bjørgvin.

Fleire og fleire kritiske røyster

• LES OGSÅ: Simon tilbake i Florø

Dermed sluttar bjørgvinbiskopen seg til alle dei røystene som siste tida har teke til ord for betre behandling av norske asyl-born.

FN har kritisert Norge for behandlinga av asylborna. Det har også «Redd Barna Ungdom» gjort.

Mange historier

Vi kjenner historia til eritreiske Simon i Florø som måtte ut etter 1,5 år i Norge der han har lært seg norsk, fått gode vener og kjenner seg trygg.
15 år gamle Jawana frå Sri Lanke fekk avslag etter fire år i Førde. No har skulekameratane starta underskriftsaksjon for å vise kor urettferdig og gale dei synest det er.

Åtte år gamle Ilda frå Kososvo fekk nyleg avslag ette 2 år i Norge. Ho veit ikkje kva framtida vil gje henne av tryggleik. For foreldra hennar er psykisk sjuke, men norske styresmakter meiner dei ikkje skal vere i Norge.

• LES OGSÅ: Simon og faren ute av kyrkjeasyl

Borna rivne vekk frå tryggleiken

Hovudkritikken er lang sakshandsamingstid som gjer at born med vanskeleg fortid blir rivne opp av norske miljø som dei er integrerte i.

Barneombod Reidar Hjerman meiner også at styresmaktene no må vurdere regelverket for borna som sit i asyl i Norge.

• LES OGSÅ: - Bryt ikkje med barnekonvensjonen

- Om dei har budd lenge i Norge og er blitt ein del av det norske samfunnet

- Ja, det er eg samd i, seier biskopen.

Engasjert biskop

• LES OGSÅ: Norge bryt FN sin barnekonvensjon

Det er ikkje første gongen at Nordhaug engasjerer seg i asylsaker.

Den såkalla «Simon-saka» i Florø fekk mykje merksemd, og biskopen var i haust tydeleg på at barne-konvensjonen burde gå framføre Dublin-konvensjonen som sa at han og faren måtte tilbake til Italia.

• LES OGSÅ: Reagerer på at Sandberg sår tvil

Avdelingsdirektør Hanne Jendal i UDI vedgår at barna sitt beste ikkje alltid når opp.

- Vi kan la innvandringspolitiske omsyn gå framføre bornas beste nokre gonger, seier ho.

• SJÅ: Simon tilbake på skulen

- Borna vert traumatiserte

Biskop nordhaug innser likevel at UDI må drive ein vanskeleg balansegang.

- Eg meiner samfunnet sin grunnleggande lojalitet skal ligge hjå borna. Dei kan få livet øydelagt faktisk om barndomen vert traumatisk. I nokre saker er det openbert at borna sitt beste bør gå framføre asylpolitikken, seier biskopen.

• LES OGSÅ: Politiet grip ikkje inn i Simon-sak
• LES OGSÅ: Advokat støttar ulovleg innreise