I følgje Utdanningsforbundet er det innført 15 ekstra prøver i Osloskulen.
Det ønsker ikkje Naper seg for grunnskulen i Telemark.
– Nasjonale prøver og testar er ein stor tidstjuv. Det skaper press for snevre prøveførebuingar og meir byråkrati, seier Naper i Telemark SV.
Vil ha svar frå Høgre
Han vil ha svar frå Telemark Høgre på om dei vil innføre fleire testar i Telemarksskulen, om dei skulle vinne valet.
– Eg vil ha svar på om Telemark Høgre vil innføre Oslomodellen i Telemark, seier Naper.
Han vil ha svar på om Høgre i Telemark synest det er lurt med 15 nye prøver i grunnskulen og adoptere dette til heile landet.
Han meiner skuleungdom over heile landet fortener eit svar på dette spørsmålet.
Behov for noko anna
Tina Wilcox er leiar i Telemark Unge Høgre og 4.kandidat på stortingslista. Ho ser gjerne til Osloskulen.
– Nå ser vi at Oslomodellen har fungert i Oslo. Det ser vi på nasjonale prøver og på undersøkingar på skulane, seier Wilcox.
Og ho meiner det er ein god modell og seier ja til fleire prøver i grunnskulen.
– Eg trur det er det grunnskulen treng, seier Wilcox.
Og meiner det er veldig positivt å få innført denne Oslomodellen over heile landet.
– Vi ser at resultata i grunnskulen i Telemark ikkje er så veldig gode, og det er behov for å gjere noko anna, seier Wilcox.