Politiet fekk klokka 14.50 melding om at ein blodig person oppsøkte treningssenteret på Falkum i Skien.
Mannen opplyste at han var blitt stukken med kniv.
På Twitter opplyser politiet opplyser at mannen stod fram som lettare skadd, og er køyrt til sjukehus.
Politiet har søkt i området etter gjerningsmann.
Klokka 15 opplyser politiet at tre personer er arrestert i Odins gate. Politiet mistenker at dei har tilknyting til knivstikkinga, og dei er satt i arresten og ventar på å bli avhøyrt.
– Det er opplysningar frå den fornærma i saka og underøkingar som politiet har gjort som førte til at politiet aksjonerte mot ei adresse i Odins gate, seier operasjonsleiar Terje Pedersen i Sør-Øst politidistrikt, avdeling Telemark.
Politiet ønskjer tips frå publikum som kan ha observert noko i området ved Stevneplassen.
