Stor oppgåve å sette i stand Tinnosbanen

Det har versert kostnadsoverslag på alt frå 40 til 120 millionar kroner for å sette banen i stand.

– Eg opplevde møtet som konstruktivt. Jernbaneverket har lova å sette i gang med å rydde vegetasjon i og rundt jernbanesporet alt denne våren, seier Holme.

Stor oppgåve å sette banen i stand

Han fortel at Jernbaneverket erkjente at dei har og vil ta ansvaret for vedlikehaldet.

– Men det er ei mykje større oppgåve å sette banen i stand for trafikk, seier Holme.

Det meiner han er eit spørsmål som må bli overlate til stortingspolitikarane.

– Skal banen setjast i stand for museumstrafikk så er den oppgåva meir overkommeleg. Då er ikkje kravet til signalanlegg så omfattande. Blant anna går det an å sperre ei del overgangar, seier Holme.

• Optimisme for verdensarvsøknad
• – Bedre enn Taj Mahal

Må bli vedlikehalde

Han meiner det viktigaste no er om den tekniske standen på banen tilfredsstiller krava til verdsarv.

– Kva vil det seie?

– At anlegget blir vedlikehalde slik det var på fredingstidspunktet. Men det betyr ikkje at den må vere klar for trafikk, seier Holm.

• Tinnsjøferja Storegut på slippen
• Fylkesordføraren optimist for Tinnosbanen
• Her seiler «fergedronninga»

Manglar koparleidning

Og han trur heller aldri Tinnosbanen blir klar for elektrisk drift igjen.

– Det manglar alt for mykje koparleidning til at det er mogleg. Det blir i så fall med dieseldrift, seier Holme.

– Kva med damplokomotiv?

– Det er sikkert nokon entusiastar som kan tenke seg det, avsluttar Holme.