Kommunen har vore heilt utan tenester frå Telenor sidan klokka åtte mandag morgon. Også mobilnettet frå andre leverandørar er råka i det same området.
Årsaka til brotet er at ein fiberkabel nær Telenors sentral i Skien blei skadd i samband med gravearbeid. Telenor har nå fått skjøtet kabelen og Siljan har fått tilbake mobildekningen. Internett vil komme tilbake i løpet av kvelden. Telenor frykta at det skulle ta veldig lang tid.
– Siljan vil truleg ikkje få igjen telefon- og internettdekninga før i natt, sa dekningsdirektør i Telenor, Bjørn Amundsen til NRK ved 15.30-tida i dag.
Klokka 17 såg det lysare ut, og Amundsen meiner no dekninga vil kome tilbake før klokka 20 i kveld.
ISOLERT: Siljan har ikkje internett eller mobildekning.
Må møte opp fysisk
For å halde kontakt med omverda har kommunen stasjonert to medarbeidarar på alarmsentralen i Skien. Folk som ringer legekontoret, heimesjukepleia eller teknisk etat blir kopla vidare dit.
Innbyggarane kan møte på Siljan legekontor for akutt hjelp. Brann, helse og politi har ressursar i området.
Kommunen forsikrar at legekontoret vil vere ope så lenge nettet er nede.
– Der har dei satellittelefonar som dei kan bruke til å ta kontakt med naudetatane, seier informasjonsmedarbeidar Ingrid Eikeland.
Naudetatane har halde seg i området i dag, og ein ambulanse er stasjonert i Siljan.
Legekontoret har ope så lenge mobilnettet i Siljan er nede. Ein ambulanse er stasjonert der.
Foto: Anne Lognvik / NRK
