Nei til elektriske tog

Jernbaneverket har utsett elektrifiseringa av Bratsbergbanen fram til Notodden kollektivterminal på ubestemt tid.

- Det blir for kostbart, seier banesjef Bjørn Ståle Varnes i Jernbaneverket.

• Bratsbergbanen bør få lengre frist
• Bratsbergbanen raskest til Oslo
• - Bratsbergbanen bør elektrifiseres
• – Vi har aldri opplevd dette før

Jernbaneverket har vurderert ei elekrifisering av heile Bratsbergbanen for å kunne bytte ut diesel-lokomotiva med moderne elektriske tog.

For dyrt å bygge

Det er ei strekning på om lag 800 meter fram til den nye Notodden kollektivterminal som manglar elektriske ledningar. Men dette vil koste over tjue millionar kroner.

- På grunn av det bygget vi har der, og vegen som går så nære inntil jernbanelina så må vi bygge ekstra skjerming. Og for at vi skal bruke elektriske tog så må også forlenge plattforma. Det blir for dyrt, seier Varnes.

Derfor er avgjerda utsett på ubestemt tid, men Varnes opnar for at ei elektrifisering blir vudert igjen om NSB satsar meir på å samordne togtrafikken på Bratsbergbanen ogSørlandsbanen.

- Då vil vi kunne sjå på strekningane rundt Nordagutu i ein samanheng. Både mellom Skien, Nordagutu og Notodden og mot Kongsberg og Kristiansand, seier Varnes.

Opnar Notodden stasjon

Måndag 11. juni blir Bratsbergbanen frå Notodden til Porsgrunn opna igjen for persontrafikk med tog.

Banen har vore stengt sidan flaumen i fjor sommar.

Banesjef Bjørn Ståle Varnes i Jernbaneverket seier at det vil bli ei offisiell opning av Notodden stasjon laurdag 9. juni.

Då vil det nye Flirt-toget til NSB kome inn til den gamle freda Notodden stasjon.

- Det blir eit sjeldent møte mellom det nye toget og gamle veterantog, seier Varnes.