Kraftverket får gebyret for ulovleg regulering av Svinetjørn og manglande slepp av minstevassføring, opplyser NVE.
NVE meiner eigarane av kraftverket på denne måten har skaffa seg auka kraftproduksjon og dermed auka forteneste.
– NVE meiner at den ulovlege reguleringa av Svinetjørn og tørrlegginga av inntaksdammen til kraftverket nedstraums har ført til skade på organismar på land og i vatn, seier seksjonssjef Øyvind Leirset.
Les og:
Vil følgja opp fleire kraftverk
Tilhøva går tilbake til sommaren 2010 då NVE besøkte 44 kraftverk.
– Bakgrunnen for inspeksjonen var at NVE har gjort mange vedtak om at små kraftverk som truleg har små miljøverknader kan byggjast utan konsesjonsbehandling. Desse har vilkår om slepp av alminneleg lågvassføring, og vi ønskte å finna ut om dette blei etterlevd, seier Leirset.
Han varslar at NVE vil følgja opp småkraftverk tett og at det kan dukka opp fleire vedtak om straffegebyr i nær framtid.
Mjella minikraftverk har høve til å klaga på vedtaket til Olje- og energidepartementet innan tre veker.