Kong Harald: – Dette har vore veldig artig

Kong Harald håper å besøk alle landets kommunar. I dag kunne han stryke over to til, slik at det berre er 69 kommunar igjen.

Tysdag har han vore i Drangedal og Gjerstad. Etter desse besøka har Kongen berre 69 kommunar igjen for å nå målet om å besøke alle landets kommunar i løpet av sin regjeringstid.

Les også: Kongen er på plass i Drangedal

Gjekk av på Drangedal stasjon

Korpsmusikk for 358. ende gang da Kongen gjekk av toget på Drangedal stasjon i ettermiddag.

Han har vore på ein imponerande besøksrunde sidan han tiltredde i januar 1991.

Fem år gamle Oda Bøen gler seg til å ta imot Kong Harald når NRK pratar med ho.

– Eg trur han kom til å spørje om namnet først, sa Bøen som trur han vil vere glad for blomane ha får.

– Veldig artig

Barna song, kongen fekk ein omvising og blei gjort godt kjent med Drangedal.
Etterpå var kongen godt nøgd.

– Dette har vore veldig artig. Eg har fått sett kva dei gjer her i Drangedal, og her er det driftige menneske. Det er heilt sikkert.

To nye kommunar kan strykast frå listen, kor neste besøk går vet berre kongen, men draumen om å besøke alle landets kommunar lever.

– Vi får håpe at eg rekk over alle, sa Hans Majestet Kong Harald.

Skaut ned fem blinkar

Skiskyttaren Ida Emilie Herfoss var ein av dei som fekk vise seg fram med Kongen som publikum. Og trass i det kongelege besøket skaut ho fem blinkar rett ned på skiskyttararenaen.

Kong Harald spurte om det var kanskje lettare å skyte nå når du ikkje hadde så høg puls som under ein konkurranse.

– Pulsen var minst like høg nå som under konkurranse, svara Ida Emilie.