Det er liv og røre rundt matbordet i Strandparken barnehage.
Maisen, som nettopp har komme på bordet, kjem frå eit økologisk dyrka jorde. Det ligg berre nokre hundre meter bortanfor, og er frakta til dei frå det kommunale dagsenteret.
Ein vinn-vinn situasjon, fordi dagsenteret treng nyttige oppgåver.
Her blir det laga havrebrød med kålrot.
Foto: Helena Rønning / NRK– Det ser ut som eit menneske, seier eitt av barna entusiastisk.
Å få grønsakene direkte frå jorda har sine fordelar, ifølgje ernæringsrådgivar Pia Harritz Torchio.
– Barna ser kor ferske dei er. I dag har vi hatt mais, det er ikkje alle som veit kva mais er. Men her får dei kjende, kjent og smakte på grønsakene, og det er viktig.
Eit samarbeid
Her får no alle barnehagar, SFO og rådhuskantina levert lokale råvarer i sesong. Rundt 15 prosent av matinnkjøpet blir gjort lokalt.
Takka vere prosjektet «Berekraftig offentleg innkjøp av lokalmat» er denne ordninga mogleg.
Med mindre kjøtt, meir belgfrukter, og hjelp frå dagsenteret, er det same pris som om alt var bestilt frå ein stor leverandør.
Det er litt meir jobb å setje eit lokalt innkjøp i system, men i Vestfold er allereie fire kommunar i gang. Agder, Innlandet og Vestland er også i siget.
Ernæringskonsulent i Horten kommune, Pia Harritz Torchio lagar mat saman med Leif Magne Grastveit frå Matvalget.
Foto: Helena Rønning / NRK– Vi har fått eit unntak frå rammeavtalen for mat og oppvekst. Vi kan bestille hos dei lokale bøndene i Horten. Det har vore eit ønske frå barnehagane og SFO og få dette til, og det er heilt lovleg i forhold til rammeavtalen, seier Torchio.
Må brenne for lokalmat
Fleire burde gjere som Horten, meiner statsforvaltaren i Vestfold og Telemark.
Derfor forskar dei no på suksessfaktorar som fleire kommunar kan kopiere.
Men det er spesielt éin ting som er viktig, dersom ein skal lykkast.
Vicktoria Vicinaite er postdoktor ved USN.
Foto: J.D. HAUKELAND– Det finst moglegheiter der ute, men det krevst eldsjeler som finn dei og tek dei i bruk, seier postdoktor Vicktoria Vicinaite ved USN.
Her har offentleg sektor stor påverknadskraft når det gjeld innkjøp, meiner ho.
– Dei er der for å tene samfunnet, og signala dei sender er viktige. Dette betyr ein betre matkvardag for alle som et og jobbar med maten. Så det er mange gode grunnar for å sjå nærare på dette.
