Hjartdølane får truleg eitt parti ekstra å stemme på ved kommunevalet neste år.
Les også:
I dag er Arbeidarpartiet, Senterpartiet og Kristelig Folkeparti representert i kommunestyret.
Hjartdal Høgre, med leiar Audun Darrud i spissen, arbeider nå med å etablere ei liste til lokalvalet.
– Vi ønskjer det skal bli meir valmoglegheiter i kommunen, og at fleire parti stiller valliste, seier Darrud.
Har ikkje drøfta samarbeid
Sven Tore Løkslid gir seg i kommunepolitikken, men Arbeidarpartiet er ikkje klar med ein arvtakar enno.
Foto: Lorentz Berg / NRKFørebels har Hjartdal Høgre ikkje drøfta kva for parti som det kan bli aktuelt å samarbeide med i kommunestyret.
– Det har vi ikkje diskutert enno. Vi konsentrer oss om å lage vårt eige program, og så får tida vise kven Høgre eventuelt skal samarbeide med, om vi må det, seier Darrud.
Etter fleire periodar med Senterparti som det dominerande partiet i kommunestyret, brasa den unge Arbeidarparti-kometen Sven Tore Løkslid for tre år sidan inn i Hjartdal kommunestyre med 11 av 17 representantar.
Senterpartiet måtte nøye seg med fire og Kristeleg folkeparti med to.
Kleppen på topp i Sp
Da Sp-veteranen Olav Tho gir seg, har Mathias Kleppen rykket fram som toppkandidat for Senterpartiet.
Så er spørsmålet kven som hoppar til topps på Ap-lista etter Sven Tore Løkslid, som går inn i fylkespolitikken.
Arbeidarparti-veteran i Hjartdal, Audun Dølen, seier at enno ikkje er klart. For nominasjonskomiteen må kome fram til ei felles liste som blir lagt fram for medlemsmøtet.
– Og då har vi eit grønt ljos for å gå vidare, seier Darrud.
