Flaumen på retur ved Hjellevannet

Skien kommune opplyser at vasstanden i Hjellevannet er 7.30 meter over havet klokka 07.45 laurdag morgon.

Det er ned 40 cm frå flaumtoppen fredag klokka 12.

Det er venta at vasstanden i Hjellevannet vil gå ned 40-50 cm til det neste døgnet.

Normal vasstand i Hjellevannet er 5 meter over havet.

• Fare for ras når vannet trekker seg tilbake
• Vannet flommer over i Møsvatn

Flyt mykje vrakrestar etter flaumen

Det flyt nå mykje tømmer og vrakrestar i elva og ute i fjorden etter flaumen, som kan vere ein fare for dei som er ut i småbåtar.

– Det flyt tungt i vatnet og kan vere vanskeleg å sjå for småbåttrafikken, åtvarar ein innringar ved Krabberødstrand i Bamble.

Oppover i vassdraget er vatnet i ferd med å trekke seg sakte tilbake, men det er framleis mykje vatn igjen.

Øst-Telemark Brugseierforening melder at Norsjø nådde flaumtoppen fredag, og at vasstanden vil gå sakte nedover.

I Tinnsjøen, Heddalsvatnet og Seljordsvatnet blei flaumtoppen nådd på torsdag og at vatnet er på retur.