– Det er veldig bra å kunne seie at Norges største Senterparti-kommune er Bergen by, seier ein glad og letta stortingsrepresentant til NRK.no.
- LES OGSÅ:
Ute, inne, ute...
Etter å ha vore ute og inne på målingane før valet, hadde ho på førehand frykta ein valtrhiller. Slik vart det også.
– Eg var førebudd på det verste, og håpa på det beste. Vi hadde målingar som var ganske dårlege. Samstundes veit ein at vi brukar å løfte oss i val, men vi kunne ikkja ta noko for gitt, seier Toppe.
Toppe frå Åsane i Bergen kom inn på Stortinget i 2009. Då tok ho over etter ein annan Bergensar, Rune Skjælaaen.
Heldt pusten
Først tysdag ettermiddag vart det stadfesta at ho kapra det siste distriktsmandatet frå Hordaland og blir vekependlar til Oslo, også dei neste fire åra.
– Eg slo meg ikkje til ro før 100 prosent av røystene i Hordaland var telt opp. Det var veldig kjekt at vi klarte å ta direktemandatet. Slik situasjonen var, skal vi vere glade for at vi tok eit direktemandat.
Men det sat langt inne. Berre 300 røyster skilte Toppe frå Frps Laila Reiertsen, som ikkje fekk fast plass på tinget.
- LES OGSÅ:
Over 3000 bergensarar
Som ei fjær i hatten stadfesta også ToppeBergen sin posisjon, som den kommunen i landet med flest Senterparti-velgere. Noko dei fleste kanskje ikkje hadde venta av partiet som er kjent for sin distriktsprofil.
– Det er ein veldig viktig intern konkurranse vi har, om å vere største senterparti-kommune i talet på røyster. Den hadde Bergen ved førre val, og der er vi framleis. Sjølv om vi har gått ned noko i høve til førre stortingsval, så har vi vunne noko i høve til kommunevalet, konstaterer Kjersti Toppe.
3128 bergensarar røysta på Senterpartiet ved årets stortingsval.