Báikkálaš válgaofelaš 2023

Buot válgadieđut

ÁltáDeatnuDielddanuorriGáivuotnaGuovdageaidnuKárášjohkaLoabákOsloPorsánguRomsaUnjárga
Velg språk:

Gos ja mo jienastan?

Čakčamánu 11. b. dán jagi leat buot Norgga gielddastivrraid ja fylkkadikkiid válggat.

Válgabeaivve fertet jienastit dan gielddas/suohkanis gos dus lea álbmotčálihuvvon čujuhus. Don sáhtát ovddalgihtii jienastit buot gielddain/suohkaniin borgemánu 10. b. rájes gitta čakčamánu 8. beaivái.

Gos sáhtán ovddalgihtii jienastit?

Don sáhtát ovddalgihtii jienastit vaikko guđe gielddas Norggas. Muhto muitte jienastit ovdalgo áigemearri nohká čakčamánu 8. beaivvi.

    Gii beassá jienastit?

    Don gii leat badjel 18 jagi dahje šattat 18 dán jagi, sáhtát jienastit báikkálaš válggain.

    Itgo leat Norgga stáhtaborgár? Don beasat jienastit jos leat eará davviriikka olmmoš ja dieđihan fárrema Norgii maŋemustá geassemánu 30. beaivve 2023. Don, gii boađát eará riikkas ja leat čálihan iežat ássin Norgii unnimusat golbma jagi ovdal válgabeaivvi, namalassii 2020:s, beasat jienastit.

    Mo mun jienastan?

    Mana lagamus jienastanbáikái. Govčča jienastanhiŋgala. Vállje dan bellodaga jienastanlihpu man áiggut doarjut gieldda-/suohkanválggaid oktavuođas ja eará lihpu gis fylkkaválggaid oktavuođas. (Oslos eai leat fylkkaválggat, muhto gávpotoasseválggat.)

    Rievdat jienastanlihpu jos háliidat. Máhcas goappašiid lihpuid vai earát eai oainne maid leat jienastan. Mana válgabargi lusa, čájet legitimašuvnna ja son de steampalastá goappašiid lihpuid ovdalgo daid luoittát jienastanlihttái. Lihkku jienastemiin!

    Válgabargi sáhttá veahkehit du jos lea dárbu.

    Mat leat báikkálaš válggat?

    Juohke njealját jagi leat báikkálaš válggat. Dalle válljet áirasiid sihke gieldda-/suohkanstivrii ja fylkkadiggái.

    Báikkálaš válggat leat guovttit válggat, mat dáhpáhuvvet oktanaga. Muhto don it galgga jienastit áirasiid Stuorradiggái itge Sámediggái, dat leat easka jagi 2025.

    Gean galggan jienastit?

    Oza iežat gieldda/suohkana bajimuččas dán siiddus.

    Doppe oainnát buot bellodagaid, mat servet válggaide ja maid dat oaivvildit áigeguovdilis áššiid birra.

    Eahpesihkkar maid jienastit?

    Geavat Válgaofelačča

    Gáldu: Valgdirektoratet

    Loga eanet mo mii leat ráhkadan Válgaofelačča dás