I dag opnar privatskulen Heltberg vidaregåande skole opp i Drammen, med 40 elevar ved pultane. Skulen har same eigarar og held til i same bygg som privatskulen Akademiet.
Etter privatskulelova er det berre private skular med alternativ pedagogikk som får starte opp i Noreg. Difor skal den nye skulen praktisere Montessori-pedagogikk, fortel dagleg leiar i Akademiet, Kjetil Eide.
- LES:
- LES OGSÅ:
Finst ikkje Montessori for vgs.
Men dette er ikkje noko Det norske Montessori-forbundet stiller seg bak.
– Det finst ikkje noko Montessori-pedagogikk for vidaregåande skule. Maria Montessori lagde pedagogikk for born i alderen 0–15 år, seier leiar i forbundet Jon Terje Bjørke.
– Vi kan ikkje stille oss bak dette. Da er vi redde for at pedagogikken blir utvatna, og at elevane ikkje får det dei er lova, seier Bjørke.
Privatskule-kjeda Akademiet ligg frå før i strid med Kunnskapsdepartementet, som krev at skulen betalar tilbake 18,5 millionar kroner dei skal ha fått i ulovleg statsstøtte.
- LES OGSÅ:
Jon Terje Bjørke i Montessori-forbundet meiner dei har blitt lurt av Akademiet.
Foto: NRKSkuffa over SV og Halvorsen
Montessori-forbundet føler seg lurt, og er skuffa over utdanningsminister Kristin Halvorsen.
– Vi føler at Akademiet har funne eit smutthol og fått søknaden sin gjennom. Vi er utruleg skuffa over at dette har gått gjennom i SV si tid i Kunnskapsdepartementet. No må Halvorsen gripe inn og gjere om dette. Elles vil det få store ringverknader i skule-Noreg, trur Bjørke.
Han fortel at forbundet fleire gongar har vore i kontakt med Kunnskapsdepartementet og Utdanningsdirektoratet og sagt at dei ikkje står inne for opplegget til Heltberg.
– Det finst ikkje noko godkjent lærarutdanning for Montessori-pedagogikk i vidaregåande. Denne skulen skulle ikkje vore godkjent. Når det først har skjedd, burde Kunnskapsdepartementet gått inn og stoppa det, meiner Bjørke.
IKKJE VELKOMMEN: SV og kunnskapsminister Kristin Halvorsen er sterkt imot private skular. Likevel opnar ein ny og omstridd privat aktør i Drammen i dag.
Foto: Larsen, Håkon Mosvold / NTB scanpix500 skuleplassar godkjende
Heltberg har fått lov til å starte opp 500 skuleplassar i Trondheim og Drammen, men rakk ikkje skulestart i Trondheim i år.
– Montessori på vidaregåande-nivå er nybrotsarbeid, meiner Akademiet-leiar Kjetil Eide.
Godkjenninga frå direktoratet kom samtidig som kravet om å betale tilbake statsstøtta som dei meiner er brukt feil.
– Vi meiner det ikkje er grunnlag for det kravet direktoratet kjem med. Eg er glad for at dei ikkje blandar desse sakene og let det gå ut over søknader om nye skular vi vil starte, seier Eide.
SV er misnøgde
Statssekretær i Kunnskapsdepartementet, Elisabeth Dahle (SV), vil hindre at Akademiet får starte fleire vidaregåande skular på denne måten.
Foto: SVStatssekretær i Kunnskapsdepartementet, Elisabeth Dale (SV), mislikar dei nye private skuleplassane.
– Dette viser at Akademiet har funne eit smutthol i lova. Det vil vi stanse. Difor har vi fremja eit lovforslag for på endre lova så dette ikkje skal bli mogleg seinare, seier Dale.
Det var Montessori-forbundet som opplyste regjeringa om Akademiet sine planer.
– Da tok vi affære og la fram eit lovforslag som vil tre i kraft så fort Stortinget har vedteke den nye lova, seier Dale.
