Det britiske prinseparet kjem til Noreg tidleg neste år. Det er kong Harald som har invitert paret. Kate og William har besøkt fleire europeiske land det siste året. Og neste år står altså Noreg og Sverige for tur. Det stadfesta dei på Twitter i dag.
Det norske kongehuset seier at den endelege datoen og programmet for besøket ikkje er klart enno.
Gravid
Kate har vist seg lite offentleg den siste tida, etter at det blei kjent at paret ventar sitt tredje barn. I dei tidlegare svangerskapa har vore plaga av ekstrem svangerskapskvalme. Men i førre veke var ho med då dagen for mental helse blei feira på Buckingham Palace.
Og måndag møtte ho og prins William barn og representantar frå organisasjonar som dei støttar gjennom eit velgjerdsfond på Paddington stasjon i London. Der møtte dei også skodespelarane frå den komande filmen «Paddington 2».
Rett før det blei kjent at paret var gravide igjen, var dei med å opne ein nybygd hage i Kensington Palace, til minne om prinsesse Diana. Opninga skjedde i samband med at det var 20 år sidan Diana miste livet i ei bilulukke i Paris.