- Grilling og sigarettar har utløyst brannane

Dei fleste av dei 700 brannane i Russland er ifølgje russiske styresmakter forårsaka av uforsiktig menneskeleg åtferd.

– Folk som brenn søppel, kastar glødande sigarettar eller ikkje sløkkjer bål godt nok etter grilling har sett i gong dei katastrofale brannane, seier Irina Andrianova, talskvinne for Departement for naudsituasjonar til CNN .

Dødstala aukar

I går auka dødstala frå 34 til 40 omkomne i brannane, og eit nytt røykteppe la seg over den russiske hovudstaden Moskva.

Russlands president Dmitrij Medvedev erklærte måndag unntakstilstand i sju av Russlands totalt 83 regionar på grunn av voldsomme skogbrannar. Presidenten har omtalt situasjonen som den verste naturkatastrofen i landet på 40 år.

SJÅ VIDEO: Køyrde gjennom skogbrann

• LES OGSÅ: Branner skaper unntakstilstand
• LES OGSÅ: Skogbrannene i Russland under kontroll

250 000 kjempar mot flammane

Over 250 000 brannmenn og andre arbeidarar er sett inn i kampen mot dei om lag 700 brannane. Hundrevis av soldatar og frivillige bistår også i arbeidet med å få bukt med flammehavet som dekkjer eit areal på 115 000 hektar. Ein hektar tilsvarer ein baseballbane i storleik.

• LES OGSÅ:
• LES OGSÅ: Russland herjes av branner og hete

– Dette er det verste eg har opplevd. Eg har aldri vore med på eit så omfattande sløkkingsarbeid før, seier brannmann Maxim Korolyov til nyheitsbyrået AFP.

Varmebølgje

Brannane har oppstått i den verste varmebølgja i Russland i manns minne. Førre torsdag blei temperaturen målt til 39 grader i Moskva, som vanlegvis har ein gjennomsnittstemperatur på 23 grader på sommarstid. Det er den høgaste temperaturen nokonsinne målt i den russiske hovudstaden, sidan registreringane starta i 1879, skriv CNN .

Russiske styresmakter fryktar no at skogbrannane vil eskalere, ifølgje BBC . Det er meld temperaturar på over 40 grader og vindstyrke på rundt 20 m per sekund i sørlege og sentrale delar av Russland. Det er så langt ikkje varsla regn.

Dei regionane som er verst råka er Voronezh, Ryazan, Vladimir, Ivanovo, Moskva, Mordovia, Nizhny Novgorod og Tatarstan.

• LES OGSÅ: 2300 evakuert fra skogbrann
• LES OGSÅ: Kjemper mot 334 skogbranner i Russland