Kvinna er frå byen Husum i Schleswig-Holstein det nordlege Tyskland. Ho har tilstått å ha teke livet av to nyfødde i 2006 og 2007. Det eine barneliket vart funne eit anlegg for resirkulering av papir i 2006, medan det andre vart funne innpakka i plast på ein parkeringsplass året etter.
– Redd ektemannen skulle forlate henne
Oberstaatsanwältin (førstestatsadvokat) Ulrike Stahlmann-Liebelt opplyste på ein pressekonferanse i Flensburg i ettermiddag at kvinna har sagt at ho tok livet borna fordi ho var redd for at ektemannen skulle forlate henne, melder
.Førstestatsadvokaten opplyser også at dei har funne tre andre barnelik i kjellaren i huset til kvinna, men dei trur ikkje ektemannen har visst om barnedrapa. Paret har to born på åtte og ti år, som har budd saman med foreldra i huset.
Kvinna sit i dag i avhøyr, opplyser blir det opplyst.
Var i live ved fødselen
Det vart slått fast at begge borna hadde vore i livet då dei vart fødde. Rettsmedisinske undersøkingar i 2007 slo fast at dei to borna var sysken.
– Kvinna er også mistenkt for å ha sett til verda tre born til, for så å ha teke livet av dei, heiter det i ei fråsegn frå politiet i nabobyen Flensburg.
Flensburg-politiet seier at kvinna melde seg sjølv for politiet, etter at det vart teke DNA-prøve av henne.
Fleire liknande saker
Kvinna vart framstilt for ein domstol i går, men det er uklart om ho er varetektsfengsla. Politiet seier dei vil gå ut med fleire opplysningar på ein pressekonferanse seinare i dag.
Det har vore fleire liknande saker i Tyskland dei siste åra, der kvinner har teke livet av sine nyfødde born. I den verste saka vart ei kvinne dømd til 15 års fengsel for å ha teke livet av åtte av sine eigne nyfødde born.
Ho hadde grave dei ned i blomsterbed og i ein fiskedam i hagen til foreldra sine, ikkje langt frå grensa til Polen.