NRK Meny
Normal

Tusenvis evakuert frå flaum i USA

Byen Memphis i USA har evakuert minst 1300 heimar grunna flaum i Mississippi. Det opplyser styresmaktane i byen.

US-OHIO-AND-MIS

Mange hus er evakuerte etter at Mississippi gjekk langt ut over sine breidder.

Foto: SCOTT OLSON / Afp

Mississippi-elva skal ha gått nesten 15 meter over sine breidder i dag, godt over grensa for å bli rekna som flaum.

Det er blitt evakuert 1300 heimar i lågtliggjande nabolag, men styresmaktene melder at dei har gode kontrollsystem som hindrar flaumen frå å spre seg ytterlegare.

Gode rutinar

Det er sett opp mange dike ved elva som skal halde tilbake vatnet, og over 20 000 sandsekkar er tilgjengeleg dersom flaumen skulle utvikle seg.

– Det skal ikkje vere noko frykt for at dika vil bryte saman, seier Vernie Reichling Jr som har ansvar for flaumkontroll ved Mississippi-elva til pressebyrået AP.

Elvis ligg trygt

Ved sentrum av Memphis, som ligg i staten Tennessee, har elva vakse til å verte 4,8 kilometer brei, mot den vanlege breidda på 800 meter.

Vidare inn i landet ligg Graceland, den berømte heimen og gravstaden til Elvis Presley.

– Eg vil berre sei dette: Graceland er trygt. Me vil slåss mot helvete med ein vasspistol for å halde staden trygg, og eg er villig til å leie kampen, forsikrar Bob Nations Jr. i den lokale katastrofeberedskapen.

Lokal vêrvarsling melder om at elva vil nå ein topp rundt klokka 23.00 norsk tid.

Mississippi River Flooding

Styresmaktene forsikrar seg med sandsekker om dikene ikkje skulle halde.

Foto: Patrick Semansky / Ap
Laster innhold, vennligst vent..
Laster innhold, vennligst vent..

SISTE NYTT

Siste nytt