Trump vil ha utvikling av «superduper-missil»

I USA har president Donald Trump gitt grønt lys for utvikling av eit hypersonisk missil som skal vere raskare enn noko Russland eller Kina har.

US Space Force, flagg. general John Raymond med flagg. president Donald Trump bak.

STOLT: President Donald Trump presenterer flagget til den nye Romstyrken, og varslar òg utvikling av eit nytt hypersonisk missil.

Foto: Alex Brandon / Alex Brandon

– Eg kallar det superduper-missilet.

– Og eg høyrde for litt sidan at det blir 17 gonger så raskt som det dei har no, sa Trump då han fredag avduka flagget til den nye Romstyrken.

Romstyrken (Space Force) er ei ny, eiga forsvarsgrein i det amerikanske militæret.

Nytt våpenkappløp

Utviklinga av ein hypersonisk rakett er det siste teiknet på eit nytt internasjonalt våpenkappløp.

Russland kunngjorde nyleg at dei har utvikla eit missil som kan utrustast med ein kjernefysisk ladning og flyge over 20 gonger så fort som lyden.

Også Kina arbeider med å utvikle hypersoniske missil – ikkje så raske som dei russiske, men raskare enn noko USA har i dag.

SISTE NYTT

Siste nytt