Dei tre er også sikt for å ha delteke i aktivitetane til ei terrorgruppe. Dei ni andre er sette fri etter avhøyr, melder AFP.
Det var i natt at politi og spesialstyrkar i Brussel og fleire andre belgiske byar sette i verk ein større antiterroraksjon. Den direkte årsaka var frykt for eit terrorangrep mot menneske som såg fotball-EM på storskjerm i sentrum av byen.
Stor politiaksjon
Den flamske fjernsynsstasjonen VTM melde at politiaksjonen vart sett i verk i
under kampen mellom Belgia og Irland i ettermiddag. Kampen enda med 3–0 siger til Belgia, og det er ikkje meldt om noko for form for uro i byen i samband med dette.Politiaksjonen i Brussel starta seint i går kveld. I alt vart 40 menneske tekne inn, og 152 garasjar og bilverkstadar vart grundig undersøkte. Det vart ikkje gjort beslag av våpen eller sprengstoff.
Det var aksjonar i bydelane Molenbeek, Scharbeek og Forest, som også vart sterkt i fokus etter terrorangrepa både i Paris og Brussel.
Salah Abdeslam, den einaste overlevande av dei ti jihadistane som gjennomførte terrorangrepet mot Paris, der 130 menneske vart drepne, gøymde seg i fleire månader i Molenbeek før han vart arrestert.
Høg beredskap
Belgisk politi er i høg beredskap etter at 32 personar vart drepne og over 300 såra då tre sjølvmordsbombarar angreip den internasjonale flyplassen og ein metrostasjon i Brussel 22. mars i år.
Også Frankrike er i alarmberedskap i frykt for terrorangrep mot landet i samband med EM i fotball.
Det var ein avlytta telefonsamtale som gjorde at politiet i Brussel gjekk til aksjon i natt. Her kom det fram opplysningar om eit nært framtidig angrep.