I dag har den brasilianske påtalemyndigheita saksøkt den tidlegare brasilianske presidenten for korrupsjon. Dette er første gong han er direkte anklaga av føderale myndigheiter for sin involvering i Petrobras-saka.
Saken skal gå føre antikorrupsjonsdommaren Serigo Moro, som har fengsla dusinvis at involverte i korrupsjonssaker. Det melder GloboNews TV.
Ein dommar er i løpet av få dagar venta å formelt saksøke Lula.
Kan bli fengsla
Lula kan bli sett i fengsel for å ha motteke ein luksusleiligheit på kysten av Sao Paolo frå ein av byggefirma som er i sentrum av bestikkelsane. Lula har derimot nekta eigarskap til tre-etasjersleiligheita.
Politiet melder at Lula skal ha tent opp mot 6,9 millionar kroner på relasjonane med desse selskapa.
Trass i alle anklagingane, er Lula fortsatt ein kjent og kjær figur i Brasil. Den karismatiske politikaren stifta det brasilianske arbeiderpartiet i 1980, og sat som president i landet mellom 2003 og 2010.
Operasjon bilvask
Luiz Inacio Lula da Silva har lenge vore i dei brasilianske domstolane sitt søkelys, etter at Operação Lava Jato, eller operasjon bilvask, dukka ned i verksemda til det brasilianske oljeselskapet Petrobas.
Etterforskinga avslørte blant anna at andre verksemder tok overbetalt for tenestene til Petrobras, for so å betale delar av overbetalinga attende til toppar i oljeselskapet.
Den avslørte også at det brasilianske arbeiderpartiet, der både Lula og Dilma Roussef, som var president fram til 31. august i år, tilhøyrer. Roussef måtte også gå av på grunn av budsjettfusk.