Terror-leiar stadfesta død

DNA-testar viser at det verkeleg var terrorleiaren Noordin Mohammad Top som vart drepen av indonesisk politi sist torsdag.

Nanan Soekarna viser fram bilete av avdøde Noordin M. Top.

Det er ikkje lenger tvil, Noordin M. Top er død, seier polititalsmann Nanan Soekarna.

Foto: SUPRI / REUTERS

Kilde: NRK-AFP-Reuters

Top, som var fødd i Malaysia, er rekna som hjernen bak angrepa mot to luksushotell i Jakarta, JW Marriott og Ritz-Carlton, i juli i år.

Her vart ni menneske drepne og over 50 såra.

Noordin Mohammad Top var også skulda for å stå bak fleire andre terrorangrep i Indonesia.

Ingen tvil

Top vart drepen då indonesisk politi gjekk til aksjon mot eit hus i Solo på Java. Det oppstod ei kraftig skotveksling, og fleire andre mistenkte terroristar vart også drepne.

Jakarta bombeattentat

Det var truleg Noordin M. Top som var hjernen bak terrorangrepa i Jakarta i juli i år.

Foto: Dita Alangkara / AP

- Det er ikkje lenger nokon tvil om at det er Noordan Mohammad Top, seier polititalsmann Nanan Soekarna.

Indonesiske styresmakter trudde dei hadde teke livet av Top også i august i år, då dei viste fram bilete av eit lik som dei meinte var han. Men DNA-testar viste at det ikkje var terrorleiaren, som var ein av dei mest ettersøkte personane i Asia.

På flukt

Top hadde lurt indonesiske styresmakter i årevis. Han var gift då han budde i heimlandet Malaysia, men han skal ha gifta seg med minst ei ny kvinne medan han har på flukt i Indonesia.

Det var DNA-prøver frå borna hans i Malaysia som kunne stadfeste at det verkeleg var Top som vart drepen i politiaksjonen på Java torsdag.

Obama-press

Indonesia har vore under sterkt internasjonalt press for å anten arrestere eller drepe Top før USAs president Barack Obama kjem på offisielt besøk til landet i november.

Noordan Mohammad Top har leidd ei gruppe som har hatt nær kontakt med den største islamistiske nettverket i Indonesia, Jemaa Islamiah. Denne gruppa stod truleg bak terrorangrepa på Bali i oktober 2002, der 202 menneske vart drepne. Mange av dei var utanlandske turistar.

LES OGSÅ: Fem drept i aksjon mot terrormistenkte

LES OGSÅ: DNA-test avslører ettersøkt terrorist

LES OGSÅ: Indonesisk opprørsleder drept

LES OGSÅ: I skuddveksling med bombemistenkte

LES OGSÅ: - Samme bakmann som Bali-bombene

Bombeangrep i Jakarta

Ni menneske omkom i terrorangrepet i Jakarta i juli i år.

Foto: CAHYO BRURI SASMITO / AFP
Laster innhold, vennligst vent..
Laster innhold, vennligst vent..

SISTE NYTT

Siste nytt