NRK Meny
Normal

Tek skulda for Marriott-åtaket

Ei hittil ukjent gruppe tek på seg skulda for eksplosjonen ved Marriott Hotel i Islamabad.

Marriott Hotel i Islamabad
Foto: AAMIR QURESHI / AFP

Det melder den arabiske fjernsynskanalen al Arabiya.

Stiller krav

Gruppa kallar seg Islams geriljakrigarar "Feyadeen Islam", og stiller fleire krav.

I ei telefonsamtale med korrespondenten til fjernsynskanalen Al Arabiya, kravde i dag ein talsmann for gruppa at Pakistan skal avbryte samarbeidet med USA.

Ifølgje Al Arabiya snakka innringjaren engelsk med sørasiatisk tonefall.

- Unngå press frå USA

Mange meiner at det er samarbeidet med USA som har gjort landet til ei slagmark for muslimske ekstremistar, og fleire tek til orde for at landet må følgje si eigen linje i kampen mot terror.

- Vi må unngå å bli pressa av USA og heller tenkje sjølv, seier opposisjonspolitikaren Nawaz Sharif til den italienske avisa La Repubblica.

Han meiner regjeringa må forhandle med opprørarane nordvest i landet i staden for å bruke militærmakt.

Planla middag

I dag vart det kjent at dei øvste leiarane i Pakistan skulle ha ete middag ved Marriott Hotel då bomba eksploderte.

Ifølge innanriksministeren vart middagen flytta til bustaden til statsministeren like før åtaket. Det er ukjent kvifor middagen ved hotellet vart avlyst.

53 menneske vart drepne og meir enn 250 såra i eksplosjonen.

Luksushotellet er populært blant utanlandske turistar, forretningsfolk, diplomatar og journalistar.

Fryktar for stabiliteten

Analytikarar er uroa for den politiske stabiliteten i Pakistan.

Finansanalytikarar fryktar at valden fører til at investorar trekkjer seg ut av landet.

Nett-TV: Fryktar borgerkrig i Pakistan:

Video nsps_upload_2008_9_22_19_24_2_176.jpg

LES: Her blir Marriott Hotel angrepet

LES: BA innstiller Pakistan-flyvninger

LES: Tsjekkias ambassadør mistet livet

LES: 60 drept i eksplosjon i Islamabad

Laster innhold, vennligst vent..
Laster innhold, vennligst vent..

SISTE NYTT

Siste nytt