Tyrkisk politi tok i bruk tåregass og vasskanonar for å spreie demonstrantar i Ankara, då fleire tusen streikande arbeidarar samla seg på Kizilayplassen onsdag kveld
– Tåregassen ligg tjukt
Demonstrantane hadde samla seg i sentrum av den tyrkiske hovudstaden for å demonstrere med krav om at statsminister Recep Tayyip Erdogan må gå av.
- LES OGSÅ:
- LES OGSÅ:
Tåregassen låg tjukt over plassen og kom også inn i restaurantar i nærleiken då politiet slo til, ifølgje nyheitsbyrået AFP sin fotograf på staden. Ein kokk brakk seg utanfor ein av restaurantane.
Demonstrasjonane mot Erdogan og hans regjering starta i Istanbul fredag i førre veke og har sidan spreia seg til resten av landet.
(Saka held fram under direktsendinga frå Istanbul)
Fått mykje kritikk
Dei siste dagane har også fleire fagforeiningar i landet tatt ut sine medlem i streik og delteke i protestane, i solidaritet med demonstrantane. Tyrkisk politi har hausta mykje kritikk for den valdelege måten dei har handtert demonstrantane på. Demonstrantane har på si side fått mange sympatisørar.
- LES OGSÅ:
- LES OGSÅ:
Statsminister Erdogan er på reise i Nord-Afrika medan problema held fram i heimlandet. Han har endå ikkje gjort nokre særlege forsøk på å stoppe opptøyane, men hans visestatsminister, Bulent Arinc, sa i går unnskyld til dei demonstrantane som ønskjer å verne Gezi-parken i Istanbul.