Synåler i jordbær spreier seg: Fryktar smitteeffekt

I Australia fryktar helseministeren at nokon har kopiert fenomenet med å gøyme synåler i jordbær. Så langt er det funne nåler i seks delstatar, og no krev ministeren gransking.

Jordbær Australia

I Australia er det funne synåler gøymde inni jordbær i seks ulike delstatar. No er fleire typar jordbær trekte tilbake frå butikkane.

Foto: ERIK ANDERSON / Epa

– Dette er ei svært vondskapsfull handling, og det er eit generelt åtak på folk flest, seier Greg Hunt, helse- og matminister i Australia.

Den siste tida er det funne synåler gøymde i jordbær i seks australske delstatar. Ifølgje kanalen ABC er det så langt er rapportert om ni tilfelle, og minst éin person er send til sjukehus etter å ha ete ei nål.

Ifølgje BBC, ber helseministeren politiet om å etterforske sakene. Samtidig oppmodar han folk til å kutte opp jordbæra før ein et dei.

Just posting this as a warning to anyone that has bought strawberries (Berry Obsessions) from Woolworths recently....

Publisert av Joshua Gane Lørdag 8. september 2018

Lovar dusør

NRK skreiv om saka etter at det var funne synåler i jordbær i Queensland i førre veke. No er det også gjort liknande funn i New South Wales, Victoria, Australian Capital Territory, South Australia og Tasmania.

Politiet har førebels ikkje nokon mistenkte i saka, men har starta ei stor etterforsking for å finne den eller dei som står bak. Politiet ber alle som har tips om å ta kontakt.

I førre veke sa organisasjonen for australske jordbærbønder til australske News at dei hadde grunn til å tru at ein tidlegare tilsett med vilje har planta synåler i fleire pakkar med jordbær.

I Queensland har styresmaktene lova ein dusør på over ein halv million kroner for informasjon som kan hjelpe politiet å finne den eller dei som står bak.

Laster Twitter-innhold

Fryktar salet går ned

Jordbærprodusentar har uttrykt uro for at desse funna kan føre til at færre vel å kjøpe jordbær.

Fleire typar jordbær er no kalla tilbake frå butikkane, og matvarekjedene Coles og Aldi har fjerna jordbær frå hyllene i alle delstatane utanom éin.

Også på New Zealand har to av dei største daglegvarekjedene stoppa å selje australske jordbær.

SISTE NYTT

Siste nytt