Meir enn 162.000 menneske er drepne i Syria, og konflikten er godt inne i sitt fjerde år. Politikarar verda over ser inga lys i tunnelen, og FN sitt tryggingsråd klarar ikkje å bli einige om kva dei skal gjere.
Men trass den politiske ueinigheita mellom verdas stormakter, så har verdsorganisasjonen likevel utnemnt ein eigen Syria-utsending som skal prøve å få partane til å slutte fred.
Den forrige utsendinga, Lakhtar Brahimi, klarte å få partane til å snakke saman, og han var mannen som fekk mykje av æra for at den syriske styresmakter og opposisjon møttes i Geneve.
Og før Brahimi var det tidlegare generalsekretær Kofi Annan som prøvde å oppnå fred, blant anna ved å sende ein internasjonal observatørstyrke med norske Robert Wood i spissen.
Men verken Brahimi eller Annan klarte å oppnå konkrete resultat, og i februar sa Brahimi unnskyld til det syriske folk, samstundes som han ga seg som Syria-utsending.
FN har lenge jobba med å få på plass den rette personen til den viktige jobben, ein jobb mange ser på som umogleg. No er det altså svensk-italienske Staffan De Mistura som skal ta fatt på oppgåva.
De Mistura har tidlegare vore generalsekretærens spesialutsending til Irak, og i 2010 etterfulgte han den norske diplomaten Kai Eide som spesialutsending til Afghanistan. Det er venta at De Mistura også får med seg ein representant frå Den arabiske liga.
