Førre veke var prega av kraftige kampar i dei omstridde grenseområda mellom Sudan og Sør-Sudan.
Både Afrikaunionen (AU), FNs sikkerheitsråd og EU har uttrykt djup bekymring over den stadig forverra sikkerheitssituasjonen.
LES:
LES:
Måndag møttest utsendingar frå begge land til samtalar leidde av AU, men onsdag blei møta avslutta utan resultat. Sør-Sudan skuldar på naboen.
– Sudan forlét samtalen
– Dei forlét samtalen. Vi er klare til å signere, men Khartoum sprang vekk, sa hovudforhandlaren til Sør-Sudan, Pagan Amum.
Innanriksministeren i Sudan, Ibrahim Mahmoud, seier på si side at landet ønskjer å stoppe kampane, og at han håpar ein avtale vil bli underskrive når partane møtes til nye samtalar neste veke.
LES:
Nabostatane, som blei skilt frå kvarandre i fjor, har den siste veka skulda kvarandre for å angripe på den andre parten si side av grensa. Begge hevdar samtidig retten sin til å forsvare seg.
Dei to landa har i lengre tid forsøkt å løyse ein strid om oljeinntekter og avgifter for bruk av ei oljeleidning som går gjennom Sudan.
Striden har fått Sør-Sudan til å stanse oljeproduksjonen og begge landa misser no viktige inntekter.