Den religiøse profilen i verda er i rask endring. Men kvifor stig andelen muslimar, medan andre religionar krympar i andel tilhengjarar? Dette spørsmålet har Pew Research Center sett nærare på.
Det amerikanske forskingssenteret formidlar informasjon om samfunnsforhold i USA og globalt, og forskar mellom anna på den religiøse utviklinga i verda.
Kristne vil forbli den største religiøse gruppa dei neste fire tiåra, ifølgje studien, men etter det vil islam vekse raskare enn nokon anna religion dersom dagens trend held fram.
- LES OGSÅ:
Europa 2050: 1 av 10 er muslim
Studien blei publisert på nettsidene til Pew Research Center i går, torsdag 2. april, og har blitt omtalt av fleire av dei største nettavisene i verda.
I 2010 var det rundt 2,2 milliardar kristne i verda, noko som representerer nesten ein tredjedel av alle 6,9 milliardar menneske på jorda. Til samanlikning hadde islam 1,6 milliardar tilhengjarar i 2010, noko som er 23 prosent av verdas befolkning.
Dersom dagens demografiske trendar held fram, meiner Pew at den muslimske befolkninga vil auke med 73 prosent fram til midten av hundreåret. I 2050 vil det då sjå slik ut:
- 30 prosent muslimar – 2,8 milliardar
- 31 prosent kristne – 2,9 milliardar
I 2050 kjem kvar tiande innbyggjar i Europa vere muslim, ifølgje studien.
- LES OGSÅ:
Muslimske kvinner føder flest barn
Ifølgje Alan Cooperman, direktør for religionsforsking i Pew, er den muslimske befolkninga konsentrert i nokre av dei raskast veksande delane av verda. Dette er den viktigaste grunnen til at andelen muslimar aukar i andel, ifølgje Cooperman.
I studien kjem det fram at muslimske kvinner føder flest barn, med eit gjennomsnitt på 3,1 barn per kvinne. Til samanlikning føder kristne kvinner i snitt 2,7 barn.
Dette er årsaka til at den muslimske befolkninga veks raskare enn hinduar og kristne, ifølgje studien.
