Aksjonen retta seg mot Rinzivillo-klanen, ei grein av den sicilianske mafiaen som har utspringet sitt i byen Gena på sørkysten av den italienske middelhavsøya.
Dei fleste arrestasjonane skjedde på Sicilia, men det er også meldt om pågripne blant anna i Roma og i byen Busto Arsizo heilt nord i Italia.
Politiet opplyser at dei arresterte i hovudsak arbeider i industrisektoren ulike stader i landet.
Politiet meiner Rinzivillo-klanen driv stort innanfor pengeutpressing, narkotikasmugling og kvitvasking av pengar.
- Mafia-klanen Rinzivillio har valt å halde ein låg profil, for i det stille kvitvaske pengar frå narkotika- og våpensmugling og frå pengeutpressing, seier Renato Di Natale frå påtalemakta i den sicilianske byen Caltanisetta.
Politiet jakta på 89 namngitte personar under aksjonen i dag, og dei er godt nøgde med at heile 79 av dei vart arresterte.
