– Me sel bilane til vanlege folk, slik som mødrer som køyrer sine born til skulen, som dei som køyrer til supermarknaden eller dei som køyrer i gata. Det er ikkje lengre berre store bedrifter, tilsette i staten og ambassadar som kjøper bilar som dette, seier Luis Gustavo til den kinesiske TV-kanalen CCTV.
Han eig ein av bilverkstadane der dei utstyrer bilar med skotsikkert material. Tryggleiken i Brasil har fått fleire til å ta skrittet og investere i meir skotsikre bilar.
- LES OGSÅ:
– Aggressive kriminelle
Kriminelle kan gå rundt i gatene med tunge våpen som dei nyttar til angrep.
– Dei er veldig aggressive. Våpena deira er veldig kraftige, fortel Miguel Martince som jobbar for den same bilverkstaden som Gustavo.
Fjorårets fotball-VM og det kommande OL i Rio de Janeiro til neste år har ført til at brasilianske styresmakter har utstyrt politiet med meir våpen, slik at ein skal prøve å motverke den negative utviklinga i kriminalitet. Men så langt har det ikkje fungert.
Doblar bilens pris
Det er så mange som ønskjer seg tryggare køyretøy at Brasil har blitt det landet i verda som har flest skotsikre bilar på vegane.
- LES OGSÅ:
Og auka i bilsalet har gått opp frå 30 prosent salsauke i fjor til 40 prosent auke i år. Flest skotsikre bilar vert selt i São Paulo, følgt av OL-byen Rio de Janeiro.
Det å gjere ein bil skotsikker er på inga måte enkelt og billig. Først vert heile bilens karosseri fjerna, før ein kler den på ny med skotsikkert materiale. Vindauga må sjølvsagt også bytast ut. Å gjere bilen skotsikker kan ofte doble bilens pris.