Fleire titals parlamentsrepresentantar frå partiet til Berlusconi, Fridomspartiet, heldt ein støttedemonstrasjon for den sjukmelde eks-statsministeren utanfor rettslokalet i Milano i dag. Partileiaren Angelino Alfano langa ut mot det han kalla «ein politisk prosess» mot Berlusconi.
Det var både støttedemonstrasjonar og motdemonstrasjonar utanfor domstolen, medan hovudpersonen sjølv er innlagd på San Raffaele-sjukehuset i byen.
Augeinfeksjon og høgt blodtrykk
Han
fredag, same dagen som rettssaka mot han starta, med diagnosen augeinfeksjon. I dag sa legane at han også lir av høgt blodtrykk.Aktoratet i saka der Berlusconi er tiltalt for å ha kjøpt sex av ei 17 år gammal jente, meiner at eks-statsministeren berre prøver å kjøpe seg tid. Men etter at tre legar hadde undersøkt Berlusconi i dag, blant dei ein velrenommert augelege, er rettssaka førebels utsett til onsdag.
Støttespelarane til den 76 år gamle Silvio Berlusconi skuldar både aktoratet og dommarane for å drive ein politisk hetskampanje mot han. Dette fekk leiaren for den italienske dommarforeininga til å reagere.
LES OGSÅ:
LES OGSÅ:
– Ikkje politisk motiverte
– Dommarstanden er ikkje politisk, det vi gjer er ikkje politisk og heller ikkje måla våre er politiske, sa han til fjernsynsstasjonen SkyTG24 tidlegare i dag.
Saka som no har blitt utsett igjen har blitt kalla Rubygate, etter den då 17 år gamle nattklubbdansaren med scenenamnet «Ruby hjartetjuven». Ho heiter eigentleg Karima El Mahroug, og påtalemakta meiner at Berlusconi har kjøpt sex av henne.
Prostitusjon er ikkje ulovleg i Italia, men det er forbode å kjøpe seksuelle tenester av personar under 18 år. Berlusconi nektar for å ha kjøpt sex av henne, og har gjort det klart at han på ingen måte treng å måtte betale for sex.
Han seier at dette er ei sak som er sett i verk av venstrevridde dommarar med eitt mål for auget, å stanse den politiske karrieren hans.
LES OGSÅ:
LES OGSÅ:
Alvorleg politisk krise
Dette skjer samstundes med at Italia er inne i ei av sine verste politiske kriser på mange år. Sentrum/høgre-alliansen til Berlusconi har den nest største partigruppa i det nyvalde parlamentet, medan ein sentrum/venstre-allianse har flest plassar.
Nesten like stor er den nye Femstjernealliansen, leidd av den karismatiske komikaren og bloggaren Beppe Grillo. Han har gjort det klart at han ikkje vil samarbeide med nokon av dei to partia.
Leiaren for sentrum/venstre-alliansen, Pier Luigi Bersano, har sagt at det ikkje er aktuelt å danne ei regjering saman med Berlusconi-blokka. Bersano har tilbode samarbeid med Femstjernealliansen, men dei vil ikkje samarbeide med han. Samstundes har Femstjernealliansen sagt at dei gjerne vil danne regjering.
Utgangen på denne krisa kan bli endå eit nyval i Italia.
LES OGSÅ:
LES OGSÅ:
LES OGSÅ:
LES OGSÅ:
LES OGSÅ:
.