Eit samrøystes regjeringskollegium erklærte i føremiddag Ariel Sharon som "permanent arbeidsudyktig". Dermed kan Ehud Olmert formelt ta over som statsminister i Israel.
Ehud Olmert ved sidan av den tomme stolen til Ariel Sharon på regjeringsmøtet i dag. (Foto:Reuters/Scanpix)
Ariel Sharon ligg framleis i koma på eit sjukehus i Jerusalem, etter at han 2. januar i år vart ramma av ei kraftig hjernebløding.
Dåverande forsvarsminister Ehud Olmert vart raskt utnemnd til fungerande statsminister og fungerande leiar for Sharons Kadima-parti då det vart klart kor alvorleg sjuk Sharon var.
Ved valet til nasjonalforsamlinga Knesset 27. mars vart Kadima det største partiet, og Ehud Olmert har fått i oppdrag å danne ei ny regjering. Kadima vil truleg danne ny regjering saman med det nest største partiet i Knesset, det israelske arbeidarpartiet.
Ehud Olmert vart i dag formelt utnemnd til fungerande statsminister, men han reknar med at han ganske snart blir statsminister også formelt.
Når han har ei regjeringsliste klar, og denne blir godkjent av Knesset, vil han også reint formelt blir statsminister i Israel.