Dette opplyser etterforskingsleiar i Kripos, Are Meisler Storvik, til NRK i kveld. I går vart det klart at det var semje om resultata av obduksjonen av Tjostolv Moland mellom den norske overlegen Arne Stray-Pedersen og hans kongolesiske kollega.
Langt avhøyr av French
Etter eit langt avhøyr av Joshua French i fengselet i dag, der både Kripos og kongolesisk militærpoliti har teke del, er det klart at det også er semje om resten av etterforskinga.
Etterforskingsleiar Tim Mukuntu seier til NRK at rapporten om etterforskinga vil bli lagt fram på ein pressekonferanse i løpet av onsdag.
Advokaten til Joshua French, Hans Marius Graasvold, seier at klienten hans har forklart seg i dag, og at han er veldig nøgd med det.
Førebur heimsending av Molands båre
Dei norske diplomatane i Kongo seier at dei no arbeider med å førebu heimsendinga av båra til Tjostolv Moland.
Det er likevel uklart når transporten av båra kan skje. Det står enno att ein del papirarbeid, men NRKs utanriksmedarbeidar Jan Espen Kruse, som er i Kinshasa i Kongo, seier at det verkar som om planarbeidet no er inne i siste fase.
Etterforskingsleiaren for dødsfallet til Tjostolv Moland lovde i går at det skulle haldast ein pressekonferanse om saka i dag, der alle opplysningar skulle leggjast fram.
LES OGSÅ:
LES OGSÅ:
– Ikkje noko kriminelt
I går deltok den norske legen Arne Stray-Pedersen i obduksjonen av Tjostolv Moland. Ein representant for Kripos sa i går kveld at det ikkje er noko som tyder på at Moland vart
.Det er likevel uklart om dei militære kongolesiske etterforskarane er samde i konklusjonen til Kripos. Det er semje om resultatet av obduksjonen, men det kan vere usemje om korleis ein reint etterforskingsmessig skal tolke funna.
Tjostolv Moland vart funnen død på cella si i Ndolo-fengselet i Kinshasa søndag 18. august. Han var saman med Joshua French dømd til døden for drap på sjåføren deira i 2009. Dei to har vore fengsla sidan, først i Kisangani før dei vart flytte over til Kinshasa.
LES OGSÅ:
LES OGSÅ: