– Det er som ei stor elv av menneske, og om du stansar straumen, vil du få flaum nokre stader. Det er det som skjer no, seier Melita Sunjic, talskvinne for FNs høgkommissær for flyktningar, til nyhendebyrået Reuters.
Ifølge FN er no meir enn 10.000 flyktningar i Serbia, og fleire er på veg. Dei manglar det meste, fortel Sunjic.
Etter ei natt ute i kulden vart frustrasjonen så stor blant migrantane som ikkje kom seg vidare inn i Kroatia, at det braut ut slagsmål.
UTESTENGDE: Flyktningar vert møtt av kroatisk politi på grensa, nær den serbiske byen Berkasovo.
Foto: ANDREJ ISAKOVIC / AfpFlaskehals også på grensa mellom Kroatia og Slovenia
Ungarn har fått mykje kritikk for å ha bygd eit gjerde på grensa til Serbia for å stenge flyktningane ute, og laurdag stengde dei også grensa til Kroatia, som har ført til at flyktningane no forsøker å ta seg gjennom Slovenia.
- Les også:
PRØVAR Å KRYSSE GRENSA: Flyktningar i regnet på grensa mellom Kroatia og Slovenia, som ikkje vil sleppe dei inn.
Foto: SRDJAN ZIVULOVIC / ReutersDet vesle landet med berre 2 millionar menneske ser no den største migrasjonen til landet sidan andre verdskrig, og har no sett ei kvote på tal menneske dei er villige til å sleppe inn kvar dag. Dei grunngir dette med at Austerrike også har sett ei grense for kor mange dei vil ta inn, sjølv om myndigheitene i Wien skal ha nekta for dette. Likevel kom 5000 flyktningar til landet frå Kroatia mandag, ifølge innanriksdepartementet i Slovenia, som skuldar nabolandet for å ignorere deira politikk.
Kroatia har no skjerpa grensekontrollen for å hindre at ytterlegare flyktningar skal ta seg inn i landet frå Serbia.
EU ser mot Tyrkia
PÅ TYRKIABESØK: Angela Merkel har innteke ei leiarrolle i Europas handsaming av flyktningkrisa. I helga besøkte ho sin tyrkiske kollega, for å diskutere kva Tyrkia kan bidra med.
Foto: POOL / ReutersEU anslår at rundt 700.000 migrantar vil ha kome innan året er omme, og det har vore stor aktivitet for å finne ei løysing som medlemslanda saman kan vere einige om.
Førre månad vart innanriksministrane i EU einige om ein plan der ein fordeler flyktningane landa imellom etter nøye utrekna kvotar, men mange av landa aust i Europa har motsett seg avtalen.
- Les også:
No ser EU mot Tyrkia, der dei fleste flyktningane startar reisa inn i Europa. I helga besøkte Tyskland sin forbundskanslar Angela Merkel landet, og kom med lovnader om økonomisk støtte, letter i visumreglane og fortgang i forhandlingane om tyrkisk EU-medlemskap om Tyrkia forpliktar seg til å ta større ansvar for flyktningane.
- Les også:
