Han ber guvernør Jurij Jekanurov i Dniepropetrovsk-regionen om å danne ny regjering.
Korrupsjon
Dette skjer etter at ein nær medarbeidar av Jusjtsjenko, Petro Porosjenko, hadde trekt seg som sjef for det nasjonale tryggingsrådet.
Viktor Justsjenko gav heile regjeringa sparken i dag. (Foto: AP/Scanpix)
Namnet hans har kome opp i samband med ei korrupsjonssak som er under etterforsking. Presidenten har godteke avskilssøknaden til Porosjenko, blir det meldt frå Kiev.
Det har vore sterke skuldingar om korrupsjon i administrasjonen til Julia Timosjenko. Det har også vore indre politisk strid i regjeringa.
Også sjefen for tryggingstenesta SBU, Oleksander Tusjinov, ein nær alliert av Julia Timosjenko, har trekt seg, men dette skjedde etter at regjeringa var avsett. Hans nestsjef, Ihor Dryztsjany, bllir ny leiar for SBU.
Dette er den første alvorlege krisa i ukrainsk politikk etter den såkalla Oransjerevolusjonen i fjor.
Heile regjeringa til statsminister Julia Tiomosjenko er avsett. (Foto: AP/Scanpix)
- Mangla lagånd
- Vi treng ei regjering med evne til å stå saman. Dette er rette tidspunktet. Den gamle regjeringa har mist lagånda, sa Viktor Jusjtsjenko på ein pressekonferanse i Kiev i føremiddag.
- Vi må få slutt på misnøya i samfunnet, og få tilbake ånda som gjer at det ikkje blir slått tvil om at politikken frå Oransjerevolusjonen blir ført vidare, sa Justsjenko blant anna.
Julia Timosjenko har vore ein omstridd statsminister. Ho blir kalla "gassprinsessa" fordi ho slo seg opp økonomisk då gassindustrien i Russland vart privatisert. Ho er ettersøkt for korrupsjon i Russland. (NRK-AFP-Reuters)