Allereie 12. desember, då Nord-Korea sendte opp ein langdistanserakett som hausta sterke reaksjonar over heile verda, gav Kim Jong-un uttrykk for at dette berre er starten.
ENTUSIAST: Den alltid intense og teatralske nordkoreanske nyheitsopplesaren Ri Chun-hi heldt på å miste pusten av begeistring då ho kommenterte banketten på statleg fjernsyn fredag.
Foto: ApMen det var i talen under banketten fredag at han for første gong gav eksplisitt uttrykk for at rakettprogrammet skal utvidast.
– Viktig maktdemonstrasjon
Til vill men velkjent koordinert jubel frå tilhøyrarane i salen, kunngjorde diktatoren at den vellukka rakettoppskytinga var ein viktig maktdemonstrasjon for den lukka millitærstaten.
– Denne oppskytinga blei gjennomført med vårt folks verdigheit, annonserte han og heldt fram:
– Dette er ei høgtideleg kunngjering som viser vår juridiske rett til fredeleg bruk av luftrommet, var beskjeden frå den unge, eineveldige leiaren.
LES OGSÅ:
LES OGSÅ:
– Utskytinga viser fram vår totale nasjonale makt, sa han, og heldt fram med å gratulere forskarane med den vellukka oppskytinga av raketten som er blitt sterkt fordømt i resten av verda.
Vennelaust land
RUSTAR OPP: Unge Kim Jong-un følgjer i faren sine fotspor og trassar verda med å utvikle atomprogrammet.
Foto: KCNA / ReutersBåde Sør-Korea, Japan, USA og Russland fordømte planane allereie då dei blei annonsert etter at første oppskyting enda i fiasko.
Rakettprosjektet til Nord-Korea får heller ingen støtte av Kina, som er militærstaten sin næraste, og kanskje einaste, allierte.
At diktatoren hausta både trampeklapp og jubel i runde nummer to, er ikkje så rart sidan første forsøket ikkje kan seiast å ha vore noko særleg vellukka maktdemonstrasjon.
LES OGSÅ:
LES OGSÅ:
Først fiasko
Statlege medium måtte innrømme nederlag då den første raketten som blei skoten opp 13. april knuste og styrta i havet etter 81 sekund i lufta.
Raketten som klarte seg, hadde som mål å sette ein vêrsatellitt i bane, ifølgje Nord-Korea. Men det internasjonale samfunnet fryktar at slike rakettar kan i framtida bli brukt til å frakte kjernefysiske stridshovud.
Fryktar kjernefysiske våpen
OPPSKYTINGA: Nord-Korea skaut 12. desember opp raketten som av fleire andre land blir sett på som ein stor trussel.
Foto: LEE JAE-WON / ReutersPå grunn av frykta for at militærstaten utviklar atomvåpen, som med desse rakettane kan treffe mål så langt unna som USA, har FN fleire gongar sanksjonert Nord-Korea.
FN har forbode landet å utvikle nokon form for atomprogram.
Ein kjernefysisk test ville vere den logiske oppfølgjaren til rakettoppskytinga, ifølgje analytikarar.
Nord-Korea er bannlyst frå å utvikle atom- og raketteknologi pga. FN-resolusjonane, men Kim Jong-un som tok makta for eitt år sidan, trassar kritikarane i resten av verda, og seier han skal halde fram militærprogrammet som hans avdøde far Kim Jong-il sette i gong.
