Qantas vil fly A380 frå laurdag

Flyselskapet ventar å ha fire av Airbus A380-flya sine i bruk før jul. Dei vil derimot halde flya unna nokre ruter for å gjere vidare utskiftingar på motorane.

Qantas sette seks A380-fly på bakken etter at eit fly på veg frå Singapore til Sydney måtte snu då det mista store deler av motoren over den indonesiske øya Batam 4. november.

• Les: – Jeg regner med dere skjønner at vi ikke lenger er på vei mot Sydney

Laurdag 27. november vil det første flyet vere i lufta igjen, seier Qantas-sjef Alan Joyce til avisa The Australian.

– Vi er fullstendig komfortable med flya våre, seier han.

Han seier det heller ikkje påverkar ei bestilling av to nye A380-fly som skal vere klare til levering neste år.

Qantas er rekna for å vere det tryggaste flyselskapet i verda. Dei har ikkje hatt ulukker med dødsfall på meir enn 90 år.