Situasjonen i Libya tilspisser seg. Forsøket på å gjenerobre den austlege byen Brega er det første teiknet på at Muammar al-Gaddafi har starta ein koordinert motoffensiv mot opposisjonen i landet.
Samtidig skaper eksplosjonar kaos i Hovedstaden Tripoli, og det internasjonale presset på det libyske regimet aukar stadig.
I ein ny TV-tale seier Gaddafi at Libya har et folkestyre, og avviser at det er intern uro i landet.
Amerikanske marineskip er onsdag på veg til Middelhavet, og Libya blei tysdag kastet ut av FNs råd for menneskerettar.
Minutt for minutt
Dette skjer i Libya i dag, onsdag 2. mars:
18.40: Frankrike sender sitt nest største krigsskip, «Mistral», til kysten utafor Libya. Skipet skal hjelpe til i ein EU-leidde plan med å evakuere flyktningar, opplyser forsvarsdepartementet.
17.36: Et libysk krigsfly skal ha sloppe ein bombe like ved et universitet som utdannar oljeingeniørar i den austlege byen Brega, opplyser nyheitsbyrået Reuters.
17.30: USA er langt unna å kunne avgjere å innføre ein flyforbodssone over Libya, opplyser utanriksminister Hillary Clinton i det amerikanske Senatet.
16.20: Det nasjonale rådet, som er sat opp av demonstrantane som har tatt kontrollen øst i Libya, vil bestå av 30 medlemmer og ledes av landets tidlegare justisminister Mustafa Abdel Jalil.
Resten av denne artikkelen er skrevet på nynorsk:
15:53: Verdas Matvareprogram legg fram eit krisebudsjett på 38,7 millionar dollar, eller om lag 215 millionar norske kroner som skal gå til å hjelpa dei 2,7 millionar menneska som er råka av den humanitære krisa i Libya.
15.40: Minst 6000 menneske er drepne i opprøret mot Muammar Gaddafi dei siste vekene, ifølgje organisasjonen Den libyske menneskerettigheitsligaen.
15.32: Den tidlegare justisministeren i Libya, Mustafa Abdel Jalil, er av opposisjonen utnemnd som leiaren for eit nytt «nasjonalt råd». Rådet vil bestå av 30 medlemmer, opplyser ein talsmann til AFP.
15.21: Den internasjonale straffedomstolen (ICC) varslar at den torsdag vil namngje dei personane som er mistenkte for lovbrot mot menneska i samband med opprøret i Libya dei siste vekene.
15.19: Dei to amerikanske krigsskipa som er på veg mot Libya har passert gjennom Suezkanalen og er framme ved Middelhavet.
14.58: AFP melder om ein kraftig eksplosjon i Brega, der regimekritikarane er i kampar med regjeringsstyrkane.
14.43: Folk i Benghazi er meir avslappa, og familiar med små born har slutta seg til feiringar i gatene, fortel Al Jazeera-reporter Jacky Rowland.
– Dei har måla andleta sine med det libyske flagget, og seier ein ny nasjon skal oppstå, med namnet «Det Frie Libya».
14.34: To timar har gått sidan Gaddafi begynte talen sin. Han kjem no med nye trugslar om å kasta ut vestlege oljefirma til fordel for kinesiske og indiske selskap.
Libya sit på enorme oljereservar, om lag 44 milliardar fat.
13.55: Gaddafi trugar med blodbad dersom USA og NATO grip inn militært i det nordafrikanske landet.
13.40: Gaddafi seier FN si avgjerd om å sanksjonera Libya er basert på feilaktige rapportar. Han vil opna opp for ei internasjonal gransking av alt som har skjedd i landet dei siste to vekene.
– Verdssamfunnet har samansverja seg for å få kloa i Libya si olje, og for å kolonisera landet, seier den hardt pressa statsleiaren i ein tale.
12.54: Utanriksministrane i Den arabiske liga oppmodar styresmaktene i Libya til å stoppa valden og å respektera befolkninga sine rettar.
Den arabiske liga er ein politisk organisasjon med 22 medlemsland frå den arabiske verda.
12.38: Libysk fjernsyn viser Gaddafi som talar til tilhengjarane sine i Tripoli.
Høvet for talen er ei markering av at det er 34 år sidan «Gaddafi gav makta til folket». Gaddafi gjentek i talen at han ikkje har politisk makt i landet.
– Me stikk fingrane i augo på dei som tvilar på at Libya er styrt av folket, seier han til eit applauderande publikum som hyllar statsleiaren med utrop som «Du er Allahs son».
11.36: Minst 14 menneske er drepne i kampane i byen Brega i dag, ifølgje TV-kanalen Al Arabiya.
11.24: Opprørarane seier til internasjonale nyheitsbyrå at dei har slått tilbake mot regjeringsstyrkane som tidlegare forsøkte å ta kontroll over byen Brega.
– Dei forsøkte å ta Brega i dag tidleg, men dei greidde det ikkje. Byen er
tilbake i dei revolusjonære sine hender, seier ein talsmann for 17.
februar-koalisjonen, Mustafa Gheriani.
10.58: Også i vest har det vore teikn til motoffensivar, ifølgje NTB. Ein journalist i Tunisia observerte Gaddafi-lojale styrkar som tok tilbake ein grensepost, medan innbyggjarar i Nalut seier dei fryktar at Gaddafi sine folk vil gå til åtak der.
10.50: Ein talsmann for den libyske regjeringa avviser rapportane om at regjeringsstyrkar har gått til åtak på fleire austlege byar i dag.
– Det tvilar eg på. Dette er nok usanne opplysningar, seier Mussa Ibrahim til Reuters.
10.43: I tillegg til Brega, som er ein viktig terminal for oljeeksport, skal også byen Ajdabiyah ha vorte bomba frå lufta i morgontimane. Det går føre seg bakkekampar mellom partane fleire stader aust i landet.
10:31: Offiserar som har gått over på demonstrantane si side stadfestar at regjeringsstyrkane har teke seg inn i byen Brega.
– Det er sant. Det var bombing frå lufta, og Gaddafi-styrkane har teke byen, seier offiser Mohamed Yousef til Reuters.
10:10: Behover for humanitær hjelp i Libya og på landegrensene er enormt, varslar Raudekrossen i ei pressemelding. Hjelpeorganisasjonen legg no planar for å hjelpa 100 000 menneske i løpet av dei neste seks månadene.
Libysk Raude Halvmåne trur så mange som 2,5 millionar menneske vil ha behov for hjelp når omfanget av krisa blir kjent.
- LES OGSÅ: Kaos på grensa mellom Libya og Tunisia
10.05: Italienske styresmakter seier det er svært sannsynleg at Gaddafi vil gjera eit siste desperat stikk i forsøk på å overvinna opposisjonen.
09.24: Ein tankbil fullasta med bensin har gått i lufta i sentrum av hovudstaden Tripoli. Eksplosjonen skal ha skjedd i nærleiken av området der den libyske leiaren Muammar Gaddafi held til. Det er førebels ikkje meldt om døde, og årsaka til uhellet er ukjend.
09.20: Krigsfly har bomba den austlege byen Brega, der opprørarane hadde teke styringa over ein militærbase og eit våpenlager, opplyser Al Jazeera.
Gaddafi-tru styrkar er på offensiven, og forsøker å atterobra byar i aust. Det er valdelege samanstøytar mellom regjeringssoldatar og opposisjonen.
Dette er den mest vellukka militære framstøyten Gaddafi har gjennomført sidan opprøret starta for to veker sidan.
08.11: To amerikanske marinefartøy er på veg gjennom Suezkanalen med kurs for Libya, melder nyheitsbyrået Reuters. Dei to skipa har med seg 800 marineinfanteristar, ein flåte med helikopter og medisinsk utstyr.