15-år gamle Alexis Grigoropoulus vart skoten og drepen under ein demonstrasjon i bydelen Exarchia i den greske hovudstaden i desember 2008.
Drapet førde til omfattande samanstøytar mellom demonstrantar og politi, som heldt på i fleire veker.
Politimannen, Epaminondas Korkoneas, risikerer fengsel på livstid. Straffeutmålinga blir kjend seinare i dag. Ein kollega av han vart dømd for medverknad til drapet.
Forsvaren til Korkoneas, Alexis Kougias, seier det som skjedde var eit tragisk uhell. Politiet skaut varselskot for å stanse steinkastande ungdomar, sa han, og det var ikkje meininga å skyte mot nokon.
Rettssaka har halde på i ni månader.
Det var omfattande uro i Aten i fleire veker etter at 15-åringen vart skoten og drepen av ein politimann.
Foto: ARIS MESSINIS / AFP
