Fleire hundre fjellvandrarar blei onsdag overrumpla av kraftige snøstormar og snøras i området rundt Annapurna i Himalaya.
32 er til no stadfesta døde, blant dei 17 turistar.
Blant dei som kom frå det med mindre skadar er israelarane Yakov Megreli, Maya Ora og Linor Kajan.
– Eg var sikker på at eg kom til å døy på vegen mot fjellpasset, seier Kajan.
Fastlåst i snøen – redda av nepalar
Israelske Linor Kajan overlevde snøskredet i Himalaya, men er sterkt prega av erfaringa.
Foto: NAVESH CHITRAKAR / ReutersAnnapurna er den 10. høgaste fjelltoppen i verda og har blitt eit svært ynda reisemål for fjellturistar frå heile kloden. Oktober er høgsesong for fjellvandring i området og vêret er vanlegvis stabilt og klart i denne perioden.
Det dramatiske vêromslaget kom difor som lyn frå klår himmel på mange av fjellfararane.
– Eg mista kontakten med gruppa mi, alle dei folka eg hadde gått saman med blei borte og eg kunne ikkje sjå noko som helst. I tillegg sat, eg fast med snø opp til livet, seier Linor Kajan medan ho viser med hendene korleis snøen heldt henne fanga.
Dei tre israelarane er no berga og frakta i tryggleik til hovudstaden Katmandu, 160 kilometer nordvest for ulukkesområdet.
– Det var forferdeleg, svært skremmande, minnast Yakov Megreli.
Kajan fortel at ho hadde englevakt og blei funnen i snøen av ein nepalar som var kjent i området.
– Han drog meg, bokstaveleg talt drog meg med til eit tehus. Der var alle redde. Alle visste at situasjonen var usikker og at me kanskje kom til å døy. Det er farleg å gå og det er farleg å bli verande og du kan ikkje fortelja folk om kva som har skjedd.
- LES OGSÅ: Fleire nordmenn i snøstormråka fjell
Redningsarbeidarar frå hæren i Nepal hjelper ein av dei overlevande ned frå fjellet etter snøstormen.
Foto: NEPAL ARMY / Afp82 er framleis sakna
Fjelltragedien blir omtalt som ein av dei verste verda har sett, og den mest katastrofale i Nepal sidan 1995.
– Talet på omkomne er ekstremt tragisk i ei tid der me har vêrmeldingar for heile verda som blir oppdaterte kvart sekund, seier statsministeren i Nepal Sushil Koirala.
Totalt 168 utanlandske turistar hadde registrert seg for å gå i fjellet då tragedien skjedde. Desse hadde også følgje av eit ukjent tal nepalske sherpaar.
Det var i tillegg mange lokale nepalarar på fjellstiane på grunn festivalar i området.
Om lag 200 er berga ut og 82 er framleis sakna i snømassane, opplyser politiet i Katmandu fredag.
– Det snør framleis og tilgangen vår er avgrensa, seier politibetjent Surya Bahadur til Reuters.
Regjeringa vil betra varsling av uvêr
Redningsarbeidarar fraktar ned eit av offera for snøskredet frå Thorong La pass i Nepal. Framleis er 82 sakna.
Foto: ApStyresmaktene i Nepal har no oppretta ein overordna komite som skal koordinera redningsinnstatsen etter kritikk for at dei ikkje har gjort nok for å hjelpa dei som er råka av uvêret.
Helikopter er sette inn i søket etter dei sakna og omkomne. Samstundes kjempar eit leitemannskap på om lag 60 soldatar og politifolk mot klokka med spadar og isøkser i dei lunefulle fjella. 48 er redda i løpet av fredagen, ifølgje nyheitsbyrået AFP.
No varslar statsminister Koirala at den nepalske regjeringa vil ta grep for å sørgja for betre vêrinformasjon og varslingstenester i turistområde, særleg i Himalaya og langs elvene.
Snøstormen skal vakse fram i kjølvatnet av ein syklon som råka India tidlegare denne veka
Snøskredet onsdag er det andre i løpet av 2014 som har teke med seg fleire menneske i døden. I april omkom 16 guidar i den dødelegaste ulukka som har råka Mount Everest. Ifølgje klimaekspertar er hyppigare snøras i Himalaya eit resultat av global oppvarming.
