Obama møtte den midlertidige leiaren for overgangsrådet, Mustafa Abdel Jalil, utanfor Hovudforsamlinga i FN i New York i ettermiddag. Det er første gong dei to leiarane møttest.
Skal diskutere framtida til Libya
USA og dei allierte skal seinare diskutere framtida til Libya under samtalar i FN. I forkant av møtet har Obama-administrasjonen oppfordra Gaddafi sine støttespelarar til å leggje ned våpna, og åtvara om at NATO sine operasjonar kjem til å halde fram.
Obama annonserte at den amerikanske ambassadøren kjem til å returnere til hovudstaden Tripoli.
– I dag skriv det libyske folket et nytt kapittel i nasjonen. Etter fire tiår med mørke kan dei igjen gå i gatene, fri frå ein tyrann, sa Obama i møtet med dei nye leiarane i Libya.
Ingen uttrekning
Den amerikanske presidenten sa at "frigjeringa av Libya høyrer til det libyske folket", men understreka at det internasjonale samfunnet ikkje har planar om å trekkje seg ut av landet enno.
Overgangsrådet i Libya tok over styringa av Libya etter at Gaddafi mista makta under opprørarane sin overtaking av Tripoli i august.
- LES OGSÅ:
