Den nyinnsette presidenten ber også Israel opne for handel med Gazastripa som del av ein avtale om varig våpenkvile.
Obama sa dette like etter at han formelt utnemnde George Mitchell som ny amerikansk utsending til Midtausten.
Obama sa i Det kvite hus i kveld norsk tid at grunnlinene for ein varig våvpenkvileavtale no er klare.
George Mitchell er ny amerikansk Midtausten-utsending.
Foto: TIM SLOAN / AFP- Hamas må stanse skytinga av rakettar mot Israel. Israel vil fullføre tilbaketrekkinga av sine styrkar frå Gazastripa, og USA og våre allierte vil delta i arbeidet med å hindre Hamas i å skaffe seg nye våpen, sa Obama blant anna.
Barack Obama sa at han vil sende Mitchell til Midtausten så fort som det er praktisk mogleg, og at han der vil gjere alt han kan for å sikre ein varig avtale om våpenkvile mellom Israel og Hamas.
George Mitchell (75) er kjend for å vere ein dyktig meklar, og han kan blant anna vise til gode resultat frå forhandligane mellom dei stridande folkegruppene i Nord-Irland. Han har også ei viss erfaring frå Midtausten.
Han har også brei erfaring frå Kongressen, der han blant anna har vore fleirtalsleiar for Det demokratiske partiet.
Den erfarne diplomaten lovar å gjere alt han kan for å få til varige resultat i kruttønna Midtausten, men han innser også at det er mange grunnar til å vere skeptisk til om det er mogleg å lukkast med å forhandle fram ein fredsavtale mellom Israel og palestinarane.
- Nøkkelen til suksess er at begge partane er interesserte i ei løysing, og at USA er aktivt med i prosessen, seier Mitchell.
Video: Valgkampen i gang i Israel
