Scotland Yard undersøkjer dei nye detaljane og vil vurdere kor truverdige og relevante dei er, seier dei i ei fråsegn. Det blir likevel understrekar at det ikkje er snakk om ei ny etterforsking av saka.
Dei nye opplysningane, som det britiske politiet ikkje vil gå i detaljar om, vil bli sjekka av ei gruppe spesialetterforskarar, melder BBC
Grov aktløyse
Prinsesse Diana og Dodi Al Fayed omkom i trafikkulukka i Pont de L'Alma-tunnelen l i Paris 31. august 1997. Ei gransking i 2008 konkluderte med at dei to miste livet på grunn av grov aktløyse av føraren av bilen, Henri Paul.
Det vart påvist at han var påverka av alkohol og andre substansar, og det vart også påpeikt at ingen i bilen brukte bilbelte. Den einaste overlevande var Dodi Al Fayeds si livvakt Trevor Rees-Jones.
Ulukka skjedde medan bilen dei køyrde i vart forfølgd av fotografar på motorsyklar, etter eit besøk på Hotel Ritz i sentrum av den franske metropolen.
LES OGSÅ:
LES OGSÅ:
«Operation Paget»
Politiet gjer det også klart at dei nye opplysningane ikkje har noko med «Operation Paget» å gjere. Dette er politiet si etterforsking av skuldingane om at prinsesse Diana og Dodi Al Fayed vart myrda.
Denne teorien vart sett fram av den styrtrike egyptiskfødde forretningsmannen Mohamed Al Fayed, faren til Dodi Al Fayed. Han har skulda det britiske kongehuset for å ha teke livet av dei to, fordi dei ikkje kunne akseptere at mor til ein framtidig konge hadde eit forhold til ein muslim.
I desember 2006 konkluderte britisk politi med at det ikkje var grunnlag for påstandane om drap.
LES OGSÅ:
LES OGSÅ:
LES OGSÅ:
Gift med prins Charles
Prinsesse Diana var gift med Storbritannias tronarving, prins Charles, prinsen av Wales, og ho var mor til prins William og prins Harry. Ekteskapet vart oppløyst, men det var likevel enorm medieinteresse for prinsesse Diana og hennar privatliv
LES OGSÅ:
LES OGSÅ:
LES OGSÅ: