- Mannen var på reise i landet og så vidt vi veit åleine då han vart gripen, seier kommunikasjonsrådgjevar Bjørn Svenungsen i UD.
UD høyrte fyrst rykte om saka i 16-tida tirsdag ettermiddag, men fekk ikkje informasjonen stadfesta før rundt 22.30.
- Han er lauslaten no, men er fråteken passet og kan ikkje reise vidare. Difor får han bistand frå ambassaden vår i Angola, seier kommunikasjonsrådgjevar Svenungsen.
Har fått passet inndrege
Nordmannen har vore på sykkeltur i Vest-Afrika og vart gripen på eit hotell i midten av Kongo førre veke, melder NTB.
Forsvarsadvokat André Kibambe har vorte beden om å bistå også nordmannen som vart gripen i Kongo førre veke.
Foto: Hallvard Sandberg / NRKDet er uklart kor lenge mannen har vore i Kongo.
Ifølgje den norske diplomaten Fred Rasmussen, som er i Kongo i samband med rettssaka i Kisangani, har nordmannen fortalt at han vart slegen under gripinga.
Til VG Nett opplyser Rasmussen at mannen skal ha vore på reise i Kongo over lengre tid, men at han ikkje veit fleire detaljar i saka.
Kibambe beden om å bistå
Ifølgje VG Nett har forsvararen til Joshua French og Tjostolv Moland vorte beden om å bistå den gripne nordmannen.
- Eg vart oppringt og fekk fortalt at ein nordmann hadde fått problem. Eg fekk ikkje vite mykje om kva problema gjekk ut på, men politiet skal ha konfiskert nokre av eigedelane hans, seier André Kibambe til VG Nett.
