Berre nokre få dagar etter tragedien på den italienske øya Lampedusa, då over 300 flyktningar omkom i eit havari, skjedde det igjen, denne gongen litt lenger sør i Middelhavet.
Flyktningstraumen i skrøpelege farkostar frå Asia og Afrika til Europa ser ikkje ut til å ha nokon ende. Dei overfylte båtane legg ut frå land som Libya og Algerie i
Flyktningar samla i ein interneringsleir på den italienske øya Lampedusa.
Foto: Luca Bruno / ApNord-Afrika med Europa som mål. Flyktningane kjem frå land både i Afrika og i Asia, og dei flyktar ofte frå ekstrem fattigdom.
LES OGSÅ:
Brennpunkt Lampedusa
Den italienske øya Lampedusa, som ligg nærare Afrika enn Italia, er ofte målet for dei hasardiøse sjøreisene. Dei overlevande frå forliset i går vart i hovudsak tekne til Lampedusa og hovudstaden Valetta på Malta.
Redningsoperasjonen i går var ein felles innsats av maltesisk og italiensk kystvakt.
Det er 113 kilometer frå det nordlegaste punktet i Afrika til Lampedusa, og sjølv om både eigarane av fartøya og flyktningane kjenner til risikoen, så stansar ikkje straumen av båtar over havet.
Overlevande blir hjelpte i land frå eit maltesisk marinefartøy i hamna i Valetta på Malta.
Foto: Matthew Mirabelli / Afp– Middelhavet ein gravlund
Maltas statsminister Joseph Muscat seier dei sørlege delane av Middelhavet har blitt ein gravlund.
– Vi kjenner oss svikta av Europa. Kor mange menneske må døy på havet før nokon grip inn, sør han. Han legg til at det var takka vere rask inngriping frå maltesiske og italienske marinefartøy at ikkje fleire drukna i dette siste forliset.
– Vi skal sørgje for å bli høyrde på neste EU-toppmøte, seier han.
EU-kommissær etterlyser handling av medlemslanda i EU når det gjeld flyktningstraumen frå Afrika til Europa.
Foto: GEORGES GOBET / AfpEU-kommissær Cecilia Malmström seier at det har kome solidariske fråsegner frå alle EU-landa etter tragedien på Lampedusa, men at dette blir tomme ord om dei ikkje blir fylgde opp av konkrete tiltak.
Truleg har mellom 17.000 og 20.000 flyktningar mist livet på flukt frå Afrika til Europa i små skrøpelege farkostar i Middelhavet.
LES OGSÅ:
LES OGSÅ:
– Veit dei risikerer livet
Maurizio Albahari, professor i antropologi ved Nortre Dam-universitetet i Paris, seier til nyheitsbyrået AFP, seier at det er ei rasjonell avgjerd.
– Flyktningane veit at dei risikerer livet, men det er ei rasjonell avgjerd. Dei er drivne av eit håp om eit betre liv i Europa. Det er anten å flykte eller å gå i hundane der dei er, seier professoren.
LES OGSÅ:
LES OGSÅ:
