Kampane ved flyplassen i den afghanske hovudstaden varte i to timar, og berre dei sju angriparane frå Taliban vart drepne, medan to sivile afghanarar vart skadde. Med i kampane var norske spesialstyrkar som er til stades i Afghanistan for å yte støtte for afghanske styrker.
– Tryggingssituasjonen er verre
– Dei norske spesialstyrkane har over lengre tid vore mentorar for den afghanske tryggingsstyrken i Kabul. I den samanheng var dei norske styrkane med som mentorar i dagens operasjon, seier pressetalsperson i Forsvaret Vegard Finberg, som ikkje vil seie kor mange nordmenn som er i Afghanistan.
- LES OGSÅ:
- LES OGSÅ:
Etter at Noreg trakk ut sine soldatar frå Afghanistan har det frå fleire kantar blitt hevda at det var for tidleg, og at afghanske styrker ikkje var klar for å overta det store ansvaret som følgde. Tryggingssituasjonen i områda kor dei norske soldatane opererte skal også ha blitt dårlegare etter at Noreg trakk seg ut.
– Godt teikn
Dei norske spesialstyrkane som no er i Afghanistan speler berre ei statistrolle, og ifølgje Finberg er det dei afghanske tryggingsstyrkane som sit i førarsetet. Han er godt nøgd med dagens innsats.
– Det som er bra i denne situasjonen er at det viser at dei afghanske tryggingsstyrkane som har fått trening av norske spesialstyrkar løyser oppdraga på eiga hand, og klarer å slå ned opprørsaktivitet som dette. Det er eit veldig godt teikn på at dei snart er klar for å ta over tryggingsansvaret sjølve, seier Finberg.
- LES OGSÅ:
- LES OGSÅ:
Også førre veke var norske soldatar delaktige i kampar i Kabul, då ein sjølvmordsbombar og fleire andre opprørarar angreip eit bygg som husa FN og andre vestlege organisasjonar.