Saman med ein brite, ein sørafrikanar og ein sør-sudanar blei Sörbö arrestert kort tid etter eit samanstøyt mellom dei to afrikanske nabolanda.
– Alt tyder på at saka er løyst
Liv Tørres, generalsekretær i Norsk Folkehjelp, seier ho er i samtalar med Noregs ambassadør i Sudan, og at alt tyder på at situasjonen er løyst.
– Akkurat no har vi fått melding om at alt tyder på at saka er løyst, og at Sörbö og i alle fall briten og sørafrikanaren blir lauslatne. Det er vi veldig, veldig glade for dersom det stemmer, seier Tørres.
– Det viktigaste no er at han kjem ut av Sudan, held ho fram.
LES:
Har mekla for å få dei fri
Tidlegare president i Sør-Afrika, Tabo Mbeki har mekla med sudanske myndigheiter for å frigjere fangane, og stadfestar at dei fire no er lauslatne.
Det same gjer Noregs ambassadør til Sudan, Jens-Petter Kjemprud. Han seier til NTB at involveringa frå Mbeki har vore ein avgjerande faktor for å få sleppt fri Sörbö.
– At Mbeki kom inn og tok saka opp på høgaste nivå, har heilt openbart spelt ein utløysande faktor, seier Kjemperud.
Ambassadøren stadfestar at det står bra til med Sörbö.
– Han legg sjølv vekt på at han blitt godt behandla i fangenskap. Både han og me er svært glade for at situasjonen no har løyst seg, seier Kjemperud til NTB.
LES:
Sudanske styresmakter arresterte nordmannen som arbeider for Norsk Folkehjelp i grenseområdet mellom Sør-Sudan og Sudan 28. april i år.
Den mest erfarne mineryddaren
Dei fire har blitt heldt i fangenskap i eit militærhovudkvarter i Khartoum, hovudstaden i Sudan.
Landdirektør Jan Ledang i Norsk Folkehjelp i Sør-Sudan seier det var ein av dei mest erfarne mineryddarane i organisasjonen som blei arrestert saman med fleire FN-tilsette.
Hevda dei trakka over grensa
Mineryddarane arbeidde på eit mineryddingsprosjekt i regi av FN i Sør-Sudan.
Sudanske representantar har hevda at dei fire utlendingane ulovleg kryssa grensa over til Sudan då dei blei arresterte.