Skipet Siem Pilot bidreg i arbeidet med å redde flyktningar i Middelhavet.
Ifølgje reiarlaget O.H Meling & Co. AS vart mannen sist sett klokka 03.30 natt til tysdag.
– Han vart observert at han då forlét skipet, på morgonen oppdaga mannskapet om bord at han ikkje hadde kome tilbake, seier presseansvarleg i Kripos, Ida Dahl Nilssen til NTB.
Siem Pilot gjekk til hamn i Catania søndag for at mannskapet skulle få kvile.
Aftenbladet skriv at den sakna mannen er frå Haugesund.
Søker på land og i sjøen
Personale frå politiet og forsvaret om bord på skipet samarbeidet med italiensk politi og kystvakt med søk både på land og i sjøen.
Matrosen er også etterlyst internasjonalt av italiensk politi.
– Etter at han vart meldt sakna har vi søkt i skipet, i havet og områda rundt. Vi har hengt opp plakatar med namnet hans og bilete i Catania. Vi håper vi finn han og at dette går bra, seier Nilssen i Kripos.
Reiarlaget opplyser at matrosen sine pårørande, ein representant frå reiarlaget og ein sjømannsprest er på ved til Catania.
- Les også:
- Les også:
Stansar hjelpearbeidet
Det er italiensk politi som har ansvaret for etterforskinga av forsvinninga, opplyser reiarlaget O.H Meling & Co. AS.
Kripos seier at forsvinninga gjer at skipet stoppar sitt hjelpearbeid i Middelhavet.
Noreg har bidrege i redningsarbeidet i Middelhavet sidan juni i fjor, og oppdraget er forlenga til utgangen av mai neste år.
Mannskapet på Siem Pilot består av totalt 30 nordmenn, der 20 har bakgrunn frå politiet og Forsvaret, og 10 er sivile.