Nordmann arrestert i Thailand – fann overgrepsmateriale med born

Ein 57 år gammal nordmann er arrestert i Thailand for å innehav av materiale som viser overgrep mot born. Han er dømd 11 gonger for overgrep i Noreg.

Nordmann arrestert i Thailand.

Ein 57 år gammal nordmann vart arrestert i huset sitt i Thailand i dag, mistenkt for å ha oppbevart overgrepsmateriale på¨PC-en sin.

Foto: Thailandsk politi

57-åringen er no etablert i Chaiyaphum nord for Bangkok med thailandsk kone. Han vart arrestert i huset der han bur saman med kona, melder avisa Bangkok Post. Politioberst Aroon Vachirasrisukanya i avdelinga CSD seier til avisa at han kjem til å bli deportert frå Thailand.

Politiet, støtta av soldatar, gjekk til aksjon mot mannen tidleg i dag. Dei tok beslag i ein berbar PC, der dei fann overgrepsmateriale med born i form av videoar og bilete. Thailandsk politi vil no undersøke om det er snakk om thailandske born.

Skal sendast tilbake

Politiet opplyser at den norske mannen er internert på politistasjonen i Muang. Dei samarbeider med immigrasjonsstyresmaktene med å ta frå han visumet til Thailand, slik at han kan sendast tilbake til Noreg.

Arrestasjonen skjer etter tips frå norsk politi. Dei har leitt etter 57-åringen i eit par veker, før dei lokaliserte han i eit hus i det nordvestlege Thailand.

Etter det NRK kjenner til har mannen 11 dommar for overgrep her i landet.

UD stadfestar overfor TV 2 at dei har fått melding om at ein nordmann er arrestert i Thailand, og at mannen har fått tilbod om konsulær bistand.

Dømt for overgrep: Knytter seg til barn i utlandet

400 overgrepsdømte nordmenn i risikoland

Ifølgje TV 2 reiste den no 57 år gamle mannen til Thailand medan han var ute på prøve frå ein fengselsdom for overgrep.

Laster kart, vennligst vent...
Laster innhold, vennligst vent..
Laster innhold, vennligst vent..

SISTE NYTT

Siste nytt